פסוקים פופולריים מ- Ageini 12

שתפו

Ango abino mino ateker adwong wok kibuti, doko ango abino mini winyo di ako mino nyingi bedo iruo, tetekeny in ibino bedo ngat kame kelo ne jo winyo. Jo kame lamo ni winyo ango abino mino gi winyo, kede ngat kame lami kirac ango da abino lame kirac; doko atekerin dedede me wi lobo kobino mino winyo pi in.”

Rwot di oko waco ne Aburam be, “Yai iwek pinyu kiton joawade ni kede ot ka papa ni da, di iko ot i piny kame ango abino nyuto ni.

Aburam oko yai bala kame Rwot oudo owaco ne; di Lot oko ot karacel kede en. Mwakini me dongo ka Aburam oudo tie ot kanyaare kiwie kany (75) i kare kame en bin eyai kede ki Aran.

Di do Rwot oko nyutere but Aburam, di eko waco ne be, “Ango abino mino lobo noni but ikwae ni.” Aburam bin oko gero alutari kunono, me woro Rwot ngat kame oudo onyutere bute.