פסוקים פופולריים מ- Matiyo 28

Ọkọẹrẹsị, ó mu tẹ ḅẹ anga, ḅẹ anga ḅụ simearị atomi mamgba mịẹ tẹ ini ì ḍukamẹnjịapụ sọọ; ó minji kẹ ịn sara-a, Ḍaḅọ ḅe na, Tụḅọ ḅe na, Fịafịa Tẹmẹ ḅe na ẹrẹ ḅụ, tẹ ọ́ pịkị ye kẹ in toluma tẹ ini à tọn ọ́ pịrị ye goyegoye koko. Anịsakị yẹrị na ọmịnị na sakị mamgba sime ḅa, ọkị mu tomikiri mẹ ḅẹ kunoma la.”

Jizọsị nwẹnị mẹnjị mu in kpeki tẹ ịn ḅẹẹ, “Tamụnọ kụrọ mamgba kẹ ị̀ pịrị tẹ, So-ḅio sime ye-o, kiri ḅio sime ye-o.

Enjẹlị ḅe nwẹnị ẹkwẹn ereme ma pịrị tẹ ḅẹẹ, “Kẹlẹ-sọ ọ́ ḅalafa ma, ó Jizọsị, ịn kẹ ẹngbẹsẹ-sịn ḅụ ḅakụ ḅọ ḅe ḍọkịarị mẹ à nimi wararị. Ọ̀ mịanga ofori; ‘Tamụnọ fịị ḅụ ọ̀ saakịma tẹ, anie ọ̀ ḅẹẹ ḅara mẹ. Ọ́ mịanga ḅo tẹ ò koro-sime anga mẹ ḍikii.

Jizọsị nwẹnị ịn ḅẹẹ, “Ọ́ ḅalafa ma. Ó mu tẹ ḍuko ị̀ amịnapụ owiapụ ma pịrịị, mịnẹ in Galili muu, anịanga ini ị̀ ẹrị ḅa.”

Agbamịẹapụ ma na ama ḅẹ omongiapụ ma na kobiri tẹ ịn mịẹ ḅẹ ḅara ḅiyam. Ịn nwẹnị ikutẹ igbigi kẹ ọḅụ kẹ ọmụapụ ma pịrị tẹ ḅẹẹ, “Ó ḍuko ḅa mịnẹ ó monoarị ogbo, ḍin ḅụ, ò ḍukamẹnjịapụ ma ḅo ori oju akpakpa mẹ furu som. Tẹ Ḅẹrẹtọnḅọ ḅe aniemẹ naa naa, wa mịẹtẹ ò minini ḅa mịnẹ ó nimi ye ofori, tẹ ó gotẹ ọmịna ḅụụ ḅaa ḅẹ ye ḅarị paka ḅịa.” Ḍuḅu mẹ koru sime ọmụapụ ma nwẹnị igbigi mẹ ọkị tẹ in ḍuko ịn pịrị ye mẹ mịẹ. Mie ḅụ Juu-ḅẹ-apụ ogboku ḅụ miemẹ mie ịn kẹ anị ọkị tẹ ḍuko wasama wararị ḅara, ọkị-ḅo mịmgba ḅẹ eneḅaka mẹ sọ lam.