פסוקים פופולריים מ- Oyinyima 50

שתפו

Dị ọ rẹ ka ẹnịnị vi ene ro ka ọnị ẹ̀ mẹ̀ ọnị ịrẹyị ọhịmị nịnị, ama Ohomorihi ọ sị ọ vara ọyịza. Ọnị ọ mẹ ka aza ọrụrụ-ọrụrụ ẹ zụ ha aanị nị

Di Ijosẹẹhụ tụ́ wa ohi dị ọ ka, “Asị o hí angwa. Ọ kà ọnị wáá vị Ohomorihi nị?

avọọ asị e hí angwa. Ọ kà ọnị vaa sị ịsọyịrị yị ẹnịrị ezi ẹnịnị.” Avọọ Ijosẹẹhụ mẹ̀ kà ịrẹyị yị wa, dị ọ sị wa ayị nẹtẹ nị, dị ọ tụ́ wa ọtụtụrụma nị.

Ọ kà ọnị ọ̀ kà a yọ ka aarịhịnị ọ̀ vagu ẹnị agụvị ịsa odivi ẹnị ẹnị mẹ̀ ẹ. Ọ kà ebira ẹnị ẹnị mẹ̀ ẹ ô divi. Ọ kà aarịhịnị ọ̀ navọ ọ̀ vagu ẹnị. Ẹ rẹ ka ẹnị rẹ vi ezi ahụ Ohomorihi ana ada ẹnịnị hẹkẹ.” Ịjị ẹ maanị na kà yi Ijosẹẹhụ, di Ijosẹẹhụ ee sụ ùnè nị.

Di Ijosẹẹhụ va hị́ ẹnẹbẹnị anị dị ọ ka, “Mee vee sú. Ama Ohomorihi vaa jẹẹ wụ nịnị ịrẹma dị ọ sị wụ nịnị hụụnị ẹtẹ ọnọnị nọ ịnị ẹtẹ ọnị ọ hị́ eku ka ọnị aa sịị yị Abụrahamị ọnịrị Ayiziiki ne beri Ijekọvụ.”

Di Ijosẹẹhụ kà a yị ezi Isirẹrị dị ọ ka, “Mâ yẹ ka Ohomorihi vaa gụ wụ nịnị ụvọ. Ama hị́ eku mị nịnị ka ụ vaa kụ́ ẹchụkụ amịị za wàa nọ ịnị ẹtẹ ọnọọ nịnị.”

Di Ijosẹẹhụ sú nị. Ịrayị ẹchẹhị tụra ẹẹwụ ọ mẹ ịnị ẹhẹ nị. Dị a sị ahọ̀nọ sisi ọ ẹngụ ka asị ọ vụ̀, dị a sị ọ tụ́ ini iposi tụ́ Ijipiti nị.