פסוקים פופולריים מ- Oyinyima 37

שתפו

Ẹkụhị ọnya Ijosẹẹhụ ộ ra ụra ọnya. Ọ mẹ̀ kà a yị ẹnẹbẹnị anị nịnị, dị ọ rẹ mẹ ka ẹ hyakụ kụkụ kụ́ ayị anịị hu avọọ nị.

Ijosẹẹhụ ọ vị ozi oni Ijekọvụ sì ịrẹyị anị hu ịnị avaba ezi ọnị ọ ma nị. Iruvo ọ vị ka Isirẹrị o si bo dị ọ va ma Ijosẹẹhụ. Di Ijekọvụ jị awuru ọnyị ụvọ ọgọdọ dị ọ sị yị Ijosẹẹhụ nị; ẹngụ awuru ọnọọ aā jị yị ozi ene e sì ịrẹyị anị ịnị ụmẹ ọnọọ nị.

Ịjị ẹnẹbẹnị Ijosẹẹhụ si re ka ọnị ada ẹnịnị sì ịrẹyị anị hu nị, dị ẹnị re nyima dị ẹ yaa kụ́ ayị Ijosẹẹhụ nị. Ẹnịnị ẹ yị kụkụ sị ẹngwọọrọ pè e kà ịrẹyị.

Ịhị ọsa Ijosẹẹhụ ọ rẹ ra ụra ọsa, dị ọ rẹ kà a yị ẹnẹbẹnị anị nịnị nị. Dị ọ ka: Ẹẹ yẹ ka ọnị ọ rẹ ra ụra ọsa. Ọ kà ọnị ô re ka ọyị, ụhwẹ ne beri Ụzọmị ẹwụrọnya aa ká ịrẹsụụ hi yị ọnị.

Ẹnẹbẹnị Ijosẹẹhụ kuku ee pè e kụ̀ ụhị, ama dị ada anị sị ịrẹyị ọnọọ tụ́ ịnị ayị, di ee ro o nị.

Ijosẹẹhụ ộ kà a yị wa ka: Ẹẹ wụ́ ụra ọnị ọnị ra ajịnị? Ọ kà ọnị ộ ra ụra ka ẹnị yà ịnị aarẹ aa mẹ ihwiti. Ẹnị mẹ̀ sị ihwiti sụ́ hi ẹtẹ, dị ihwiti anị vana kwẹẹtẹ jẹẹ nị. Di ihwiti ẹnịnị wara kara aanị, di e nyima ịrẹsụ yọ nị.

Ẹ ka à ẹnị ẹ wụ̀ ọ di ẹnị e ne e ngụ ọnya ini ọ̀ha ene hi ịzẹnị aanị. Dị ẹnị ẹ kà a ka uye odivi ọ̀ wụ̀ ọ rị nị. Ịjọnọọọ ẹnị ve e re ụra anị ọ̀ọ mẹmẹ kụkụ vaa sẹ.”

Ịjị osohu Animidiya ẹnẹẹ aa parahu, dị ẹnẹbẹnị Ijosẹẹhụ nịnị na sị Ijosẹẹhụ hụụnị ọ̀ha dị ẹ ná ẹ yị Anisimẹrị ẹnẹẹ nị. Ẹkẹhị ụkọrọ ẹkụhị oohu ẹ ná a nị. Dị aza ẹnẹẹ sị Ijosẹẹhụ dị ẹ yaa nọ Ijipiti nị.

Dị ẹ hị́ ẹngụ dị ẹ ka, “Ọta amị anaā ra ụra avọọ aa vẹ avọọ nọ.

Dị ẹnẹbẹnị anị nịnị re e ka aa vẹ ẹ́nẹẹnẹ nị. Ijosẹẹhụ ộ yị gụrị wa, dị ẹ wụsẹ gẹ eyi ka ẹnị aa wụ̀ ọ nị.

Ẹ yị nyayịnẹ wụ̀ ọza o! È ne e ngụ ọ̀ha ọnọnị ana yà ịnị ụnọmị ịzẹnị aanị. Ama asị ẹ sị ụvọ kanyị ọ. Iruvo oni Irubẹnị vavọọ sị ka ọ vị ka ee sì ka ọnị ọ̀ dọ Ijosẹẹhụ hụrẹ wa ụvọ, dị ọ̀ sị ọ varẹma na yị ada ẹnịnị.