פסוקים פופולריים מ- Génesis 12

שתפו

Ti'ja kb'el nb'incha'ne jun nasyon ma'xix, kb'el nq'o'ne nky'iwb'ile tib'aja, kjawil nnimsa'ne tb'iya, ex k'okela te jun ky'iwb'il kye txqantl xjal. Che b'el nky'iwla'ne qeju che b'el ky'iwlante teya, ex ktzajel nq'o'ne mya b'a'n kyib'aj qeju che tzajel qaninte mya b'a'n tib'aja; ex noq ti'ja che ky'iwlanjtzel kykyaqil xjal twitz tx'otx', chi Qman.

Tma Qman te Abram kyja': Tetza tuj ttanmiya, kyxol qe t-xjalila ex tuj tja tmana, ex txi'ya tuj tx'otx' kxel nyek'une teya.

Etztzun Abram tuj tnam Harán ik tza'nx otoq tma Qman te; ex tuk'ix Lot etz tuk'il. Otoq japun Abram twi' 75 ab'q'i tej tetz tuj tnam Harán.

Atzun kub' tyek'un tib' Qman twitz Abram ex xi tma'n te kyja': Atzun tx'otx' lu kxel nq'o'ne kye tiyjila, chi Qman. Tujtzun lugar lu jaw tb'incha'n Abram jun altar twitz Qman aju kub' tyek'un tib' twitz.