פסוקים פופולריים מ- Римвийриз 3

שתפו

вирида гунагь авунва ва вири Аллагьдин баркалладикай магьрум хьанва, гьахъ-михьивилиз акъудун вирида гьавая, берекатдив кьурвал, Иса Месигьди гайи эвездин куьмекдалди къачузва.

Аллагьдилай къвезвай гьахъ-михьивал Иса Месигьдихъ иман ийизвай виридаз имандалди гузва. Са тафаватни авач

Аллагьди Ам имандал атай вирибур патал мергьемет авунин лишан яз къалурнава. Хашунал авахьай Адан Ивидалди тахсир алуднава. Идалди Аллагьдиз Вичин гьахъ-михьивал къалуриз кӀан хьана. Инсанри виликан асирра авур гунагьрай Аллагьди жаза ганач эхир. Ада яргъалди эхна. Гила, чи вахтунда, лагьайтӀа, Адаз Вичин гьахъ-михьивал къалуриз кӀанзава. Ам Вич гьахъ-михьи я ва Ада Исадихъ иман ийизвайди гьахъ-михьивилиз акъудзава.

Къанундал амал авуникди гьич садни Аллагьдин вилик гьахъ-михьивилиз акъуддач. Къанундин куьмекдалди чавай анжах гунагь кьатӀуз жеда.

Кхьенвайвал я: «Гьахъ-михьиди авач, гьич садни авач! Гъавурдик квай садни авач, садани Аллагь жагъурзавач. Вири рекьяй акъатнава, вири, сад хьиз, ява хьанва, хъсанвал ийирди авач, гьич садни авач».

Чна тестикьарзава хьи, Къанундал амал авунилай аслу тушиз, инсандив имандалди гьахъ-михьивилиз акъудун агакьзава.

Гьелбетда, ваъ! Гьар са инсандик таб кватӀани, Аллагь гьакъикъи я, идакай икӀ кхьинни авунва: «Ви гафар гьахъ-михьибур тирди раиж хьун патал, ва Жуван дуванда гъалиб хьун патал».