פסוקים פופולריים מ- ГалатӀвийриз 5

שתפו

Руьгьдин майва ихьтинди я: кӀанивал, шадвал, саламатвал, сабур, регьимвал, хъсанвал, вафа, хъуьтуьлвал, нефсинал гъалиб хьун. Къанунда ихьтин крариз акси са затӀни авач.

Гьавиляй, за лугьузва: Руьгьди къалурзавайвал уьмуьр кьиле твах, а чӀавуз куьне куь гунагькар тӀулдин нефсиниз яб гудач.

Руьгьди чаз уьмуьр ганватӀа, ша чна Руьгьдин регьбервилик кваз ам кьиле тухун.

Иса Месигьдиз талукьбуру чпин беденрин чӀуру темягьрихъ ва гьашервилерихъ галаз санал хашуниз акъуднай.

Гунагькар тӀулдин крар малум я. Ибур явавал, чиркинвал, ягь тахьун, бутпересвал, суьгьуьрчивал, душманвал, гьуьжетунар, шак, хъел акатун, жува жув къалурун, араяр чӀурун, пехилвал, сархушвал, кеф чӀугун ва ибуруз ухшар амалар я. Мад гъилера за квез малумарзава: ихьтин крарал машгъулбуру Аллагьдин Пачагьлугъ ирс яз къачудач.

Стхаяр-вахар, квез азадвилиз эвернава. Анжах и азадвиликай чӀуру крар паталди менфят къачумир, куь гунагькар тӀулдиз, нефсиниз къуллугъ ийимир, аксина, сада садаз кӀанивилелди къуллугъ ая.

Гунагькар тӀулдиз Руьгьдиз акси тир ва Руьгьдизни гунагькар тӀулдиз акси тир затӀар кӀанзава. Абур датӀана сад-садаз акси акъваззава. Нетижада куьне квез кӀандайвал гьерекат ийизвач.

Вучиз лагьайтӀа вири Къанундин мана-метлеб са эмирда ганва: «Жув хьиз жуван мукьув гвайдини кӀан хьухь!».

Машгьурвал кӀани ксар тежен, сада-садаз хъел гъин тийин, сада-садал пехилвал тийин!

Чун азад инсанар хьун патал Иса Месигьди чун лукӀвиляй акъудна. Гьавиляй, мягькем хьухь ва мад лукӀвилин викӀиник куь хев кутамир.