פסוקים פופולריים מ- 1-Ягья 4

שתפו

Муьгьуьббатда кичӀевал авайди туш, аксина, камил муьгьуьббатди кичӀевал чукурда. Куьз лагьайтӀа, кичӀевал жазадиз талукь я, кичӀедай инсан вичин муьгьуьббатда камил туш.

Чан балаяр, куьн Аллагьдин патай я, ва куьн тапан пайгъамбаррал гъалиб хьанва. Вучиз лагьайтӀа, квехъ Авайди дуьньяда авайдалай артух я.

Чаз кӀанзава, вучиз лагьайтӀа сифте Адаз чун кӀан хьана.

Эй кӀанибур, ша чаз садаз-сад кӀан жен, вучиз лагьайтӀа, муьгьуьббат Аллагьдин патай я. Нин рикӀе ашкъи аватӀа, Аллагь ам паталди Буба я ва адаз Аллагь чизва.

РикӀе ашкъи авачир касдиз Аллагь чизвач, вучиз лагьайтӀа, Аллагь муьгьуьббат я!

Муьгьуьббат чаз Аллагь кӀан хьуникай ваъ, Адаз чун кӀан хьуникай ва Ада Вичин Хва чи гунагьар михьун паталди къурбанд авуникай ибарат я.

Эй кӀанибур, Аллагьдиз чун гьикӀ кӀанзаватӀа, чазни садаз-сад гьакӀ кӀан хьун герек я.

Аллагьди вичин рикӀе чаз авай кӀанивал икӀ малумарна: чна Вичихъ авай тек са Хцин куьмекдалди цӀийи уьмуьр къачун патал, Аллагьди Ам дуьньядиз ракъурна.

Ни «заз Аллагь кӀанзава» лугьуз, амма вичин стхадиз нифретзаватӀа, гьам тапрукь я. Вучиз лагьайтӀа, вилиз аквазвай стха кӀан тийизвайдаз, вилиз таквазвай Аллагьни кӀан жедач.

Ни Иса Аллагьдин Хва яз кьабулзаватӀа, Аллагь гьада жеда, амни – Аллагьда.

Чна адавай къачур тагьким ихьтинди я: «Аллагь кӀанзавайдаз вичин стхани кӀан хьурай».

КӀанибур, гьар са руьгьдин чӀалахъ жемир, руьгьер Аллагьдин патай ятӀа-туштӀа чир хьун патал, абур синагъдай акъуда, вучиз лагьайтӀа дуьньядал гзаф тапан пайгъамбарар арадал атанва. Аллагьдин Руьгь квевай икӀ чириз жеда: Иса Месигь инсандин беденда аваз атанвайди тестикьарзавай Руьгь Аллагьдин патай я.

Амма Иса кьабул тийизвай руьгь Аллагьдин патай туш. Ам Месигьдиз акси касдин руьгь я. Ам къведайди квез ван хьанвай, гила ам атана, дуьньяда ава.