פסוקים פופולריים מ- Риминхн 12

שתפו

Эн делкән му авъясар бичә бәәтн. Болв Бурхнд тана ухаг шинрүлх зөвән өгтн. Тегәд одҗ тадн Бурхна сән, тааста болн күцц таалыг медҗ чадхит.

Тиигәд, ахнр-дүүнр, Бурхна хәәрлтин төлә би таднас сурҗанав. Бийәрн Бурхнд әмд, әрүн болн Терүнд тааста тәкл тәктн. Эннь Бурхнд йосндан цергллһн болҗана.

Ицлдән тадн байрлтн! Зовлңд тесвртә болтн. Оньдин зальвртн.

Хар санан чамаг бичә авлтха! Болв хар санаг сән кергәр диил.

Ахнр-дүүнрлә әдләр нег-негндән дурлтн. Нег-негән күндләд бийәсн үлүһәр үнлтн.

Тана дурн үнн болтха. Хар саната йовдлмудт дурго болтн, сән йовдл цаарандан һарһтн.

Кемр арһ бәәхлә, әмтнлә цугталань эвтәһәр бә.

Үүрмүд минь! Бичә өшә нектн. Бурхн тиим күүг засглтха. Юңгад гихлә, Бурхна Бичгт иигҗ бичәтә бәәнә: «Би өшәһинь авхв. Күүнә һарһсн буруһин ашар Би терүг засглхув гиҗ Деед Эзн келҗәнә».

Бичә залхуртн. Зуг гүҗрҗ көдлтн. Деед Эзнд халун зүркнәсн церглтн.

Нанд өггдсн белг олзлад би күн болһнд иигҗ келҗәнәв: Өгсн зөвәс үлүһәр эврәннь тускар бичә сан. Болв бийиннь тускар ик санан угаһар ухал. Чамд Бурхна өгсн иткллә ирлцүлҗ бийиннь тускар ухал.

Чолуһар шивсиг – өөкәр шивтн. Әмтн цугтан сән гиҗ келх йовдл һарһтн.

Күн болһниг йилһлго әдләр бәәтн. Бичә караглҗ деерлктн. Зуг номһн заңгта улсла үүрлтн. Бийән бичә цецн күүнд тоолтн.

Бурхна Бичгт бичәтәг күцәтн: «Кемр тана өшәтн өлн болхла, хот өгәд цадхтн. Кемр унд уухар седҗәхлә, ундынь кеҗ өгтн. Тиим йовдларн тадн терүнә толһа деер цог цуглулҗанат».

Тадниг көөлдҗ йовх улст Бурхн әдс өгтхә гиҗ зальвртн. Дәкәд нег давтад келҗәнәв: Бурхн тедниг бичә харатха, әдс өгтхә гиҗ зальвртн. Байрлҗах улсла байрлтн. Уульҗах улсла уультн.

Бурхнд иткдг улс түрү-зүдү бәәхлә, теднлә бәәснәсн хувалцтн. Зуучлҗ йовх улсиг гиичлүләд тоотн.

Күүнә цогцд олн мөчмүд бәәнә. Мөч болһн зүсн-зүүл зааврта. Терүнлә әдл бидн олн болсн бийнь Христосла нииләд нег цогц-махмуд болҗанавидн. Бидн нег-негнләһән зүсн-зүүл мөчмүд мет хоорндан залһлдатавидн.