פסוקים פופולריים מ- Матта 19

שתפו

Дурарихьинди дилигну, Исайи гъапи: – Инсанарихьан му удукьруб дар, хъа Аллагьдихьан удудукьруб адар.

Гьаци вуйиган, дурар сарун кьюб ваъ, хъа саб беден ву. Гьамци Аллагьди китӀдар инсанди жара дапӀну ккундар.

Дугъура дурариз жаваб вуди кӀуру: – Инсанар халкь ГъапӀури дурар сифтейиан жилирна хпир вуди халкь гъапӀуб Гирами китабарик гъурхунданчвахъа? Гьаддиз жилир, адашна дада гъитну, чан хпирик карсди ва дурар кьюрид саб беден хьиди.

Амма Исайи гъапи: – БицӀидар узухьна гъюз гъитай, гъадагъа мапӀанай, фицики Аьршарин Паччагьлугъ гьацдаринуб ву.

Му ражари гизаф сарпидар думуган ккудукӀрудар хьиди, хъа ккудукӀрудар – сарпидар.

Гьар шли Узу бадали чан хулар, вая чвйир, вая чйир, вая адаш, вая дада, вая чан веледар, вая хутлар дирчиш, дугъу гьадрар вари варж ражари артухъди гъадагъиди, ва дугъаз ккудудубкӀру уьмур рубкьиди.

Исайи дугъаз гъапи: – Эгер увуз гьуркӀу кас хьуз ккундуш, душну, яв айи-адруб масу тув, гьадмуган аьршариъ яв девлет хьибдивуз. Хъасин Узухъди гъач.

Исайира дугъаз кӀуру: – Узхьан ужувлакан гьаз гьерхрава? Ужур вуйир анжагъ сар АллагьтӀан адар. Аллагьди увуз ккудудубкӀру уьмур тувну ккундуш, Дугъу Мусайилантина тувнайи табшуругъар вари тамам апӀин.

Хъанара кӀуразачвуз: девлетлуйиз Аьршарин Паччагьлугъдиъ учӀвубтӀан девейиз рубдин гъюнʼан удубчӀвуз рягьят ву.

Амма кӀуразачвузки: кьяппавал себеб дарди шли чан хпир гьадаъну, жарар гъахиш, гьадгъу чав кьяппавал апӀура.

Исайи мушвʼин Чан ученикариз гъапи: – Дюзди кӀуразачвузки, девлетлуйиз Аьршарин Паччагьлугъдиъ учӀвуз читинди алабхъиди.