פסוקים פופולריים מ- JAKOB 1

שתפו

Ka unaute, ze-etna chituamtuam na tuaah chiangun nuamna ngenin ngai un; Na ginna uh etkhiahna in kuhkalna a siam chih he in.

Na lahva koipouh in pilna a taahsap leh, mi zousiah kawma tailou leh it loua petu Pathian kawmah ngen heh; huchi'n a kawmah piah ahi diing hi.

Huchihjiahin, ka unau deihtahte, michin ngaihkhiah lamah kilawp henla, thusoi lamah kilawp sih henla, lungthah baih sih heh.

Hizongleh, bangmah tasamlou a, na pum va na bukim theihna diingun kuhkalna in tong bukim heh.

Hizongleh nanguh leh nanguh kihem in, thu ngaikhetu chauh hilou in, thu juitute hi zaw un.

Ze-etna thuaah teitei mi chu a hampha hi, bang jiahin ahiai i chih leh etkhiah a a um zoh chiangin Lalpa’n amah lungsiattute kawma piah a chiam, hinna lallukhuh chu a mu diing hi.

Silpiah hoih leh silpiah bukim photmah chu tunglam a kipan ahi a, vaahte Pa kawm apat hungsuh ahi, amah ah chu lamdanna leh kiheina liim mawngmawng a um sih hi.

Ajiahchu koipouh thu ngaikhia chauh ahih a, a juitu ahih louh inchu, amah chu mi limlang a, a pianpih maai kien bang giap ahi. Ajiahchu a kien a, huleh a chiah mang a, bangchibang mi ahih a kimanghilhpah hi.

Pathian leh Pa mitmuh a sahkho biah siangthou leh buahbaang lou chu, nubei pabeite leh meithaite a gimthuaah lai va veh leh, khovel a niin baang lou a kikoih zing ahi.

Mi koimah in heem a a um chiangin, Pathian heem ka hi chi sih heh; ajiahchu Pathian chu giitlouh a heem gual ahi sih a, ama’n zong koimah a heem ngei sih hi. Hizongleh michin amah utna a puimang leh hiip a, a um chiangin heem in a um ahi zaw hi.

Daikawmkal a um unau chu paahtawi a, a um jiahin kipaah heh