פסוקים פופולריים מ- EPHESITE 5

שתפו

Hujiahin ta deihtahte bangin Pathian umdan juitute hi un; Khrist in ahung lungsiat a, ei u’diing a Pathian kawma silpiah leh kithoihna namtui diinga a kipiah bangin, lungsiatna ah um un.

Huchi'n na umdan uh pilvaang un, mingolte banga um louin, mipilte bangin um un. Nite a hoih louh jiahin hunlemtaang lei un.

Huleh uain kham in um sih unla, hu a’chu kisuum louhna a um hi; hizongleh Hagau a dim in um zaw un. Phatna late, Pathian late, huleh hagaulam late a nang uleh nanguh kihou in, na lungtang vah Lalpa diingin kituaahtah leh kilawmtahin la sa un. Bangkim tungah i Lalpa uh Jesu Khrist minin Pathian leh Pa kawmah kipaahthu soi ngiitngeet un.

Hujiahin ngol sih unla, Lalpa deihzawng bang ahiai chih hesiam zaw un.

Pasalte haw, Khrist in kouhtuam a lungsiat a, a luang va a kipiah bangin, nangun zong na jite uh lungsiat un.

Bang jiahin ahiai i chih leh, nanguh tumalai in mial na hi va, tuin chu Lalpa ah vaah na hita uh; vaah tate bangin um un.

Pathian laudan siamna ah khat leh khat kituluuttuah chiat un.

Jite haw, Lalpa kawma bangin na pasalte uh kawmah kituluut un.

Banghitaleh, na lahva koipouh in amah a kilungsiat bangin a ji lungsiat heh; huleh ji chu a pasal zahtaat diingin pilvaang heh.

Hikhu jiahin pasal in a pa leh a nu a nuse diing a, a ji toh a kizop diing, huleh a nih un tahsa pumkhat ahung hita diing uhi.

Huleh mial natoh gah neiloute toh kithuahkhawm na nei sih unla, hizongleh a dih louhdan hesah zaw un.