פסוקים פופולריים מ- THESSALONIKATE I 5

שתפו

Kipaah zingzing un. Tawplou in haamtei un. Sil bangkimah kipaahthu soi zing un; ajiahchu nanguh lam thu ah Khrist Jesu ah hichu Pathian deihzawng ahi.

Huleh hamuan na Pathian ngei in napumun hung susiangthou heh; huleh na hagau uleh, na lungsim uleh, na tahsa uh i Lalpa uh Jesu Khrist hung chiang a soiselbei diingin humbit in um hen. Nanguh hung kou pa a ginum a, bawl zong a bawl diing hi.

Koimah in koi giitlouh zong giitlouh a thuh lou diingin pilvaang un; hizongleh nang u’lah hiin, mi zousiah lamah hitaleh a hoih taphot jui un.

Hujiahin na na hih veu mah bangun kisuhamuang khawm chiat unla, kisuhaattuah chiat un.

Tuin unaute, ka hung hasot uhi, daan banglou a umte hilh unla, lungkete hamuan unla, haatloute panpih unla, mi zousiah lamah thuaahzoutahin um un.

Ajiahchu Pathian in lungthahna tuaah diing hilou in, i Lalpa uh Jesu Khrist vang a hutdamna mu diingin ahung guat ahi zaw hi.

Na bawnun vaah tate leh suun tate na hi uhi; jana mi i hi sih a, mial a mi zong i hi sih hi.