פסוקים פופולריים מ- ROMNYU 8

שתפו

Lo Sunggigü so lo rühvu kehü , a-le ndukanyu rhinhi pe bin kela gü genyu ko kelo dan genyu we tha lihi thyü yatse ai anyugun genyu kegwa tsekethyü nle shabin nyo.

Tson-o kesie kerhün-e, tsangge jolonyu-e, Npu kethyü dan-e, hizonka kebin dan-e, hisiki ryü nrün dan-e, kekvu dan-e, ketetso-e, kentsun-e, nmvu ai nyhun keshü kecha lihi-e n Npugü Khrista Jisu nyu ntesha keshü Sunggigü keso nyu tsü nsükholo nrün ndi tsekethyü ale sha tsentsü laso.

Tsühontse Kapu gü ai nle kvu kemvu ka n kecheshü hünyo; kechamvule nle hilo mvulo keshvu ka ai hilo sha hü kemvu genyu; ai Kapu gü le a-npvü nsun thyüo ayaya tse bin hünyo; tsüle temi khwen jo nyu zoshwilo nrün ndi.

Tsonlo nle tha higü rüla nyu zo mon? Sunggigü le nkipon yatselo, segü le n ntsunlo gwa tila?

Tsügenyu ntsoka we Khrista Jisu kipon kehünyu nmu kethyü ndi so.

Thyümin phin kendo kerüchün gü tsüle kesi, ai Kapu phin kerüchün gü le kerhün lo nyun kebwen kipon.

Nmvu, tha hidan hi aphu nyu ai nso kehü gü genyu nle kvukelo soki ai kvulo hünyo.

Lo ale kesha le hizonka kenjün thyü kebin dan rüchün pe siki ntesha shün nrün zankechwi kethyü dan zen-o kendyülo kümvu letse bin nyo.

Lo segü le Khrista le nkeso nyu nsükho sen tinlo gwa tila? Kenjün kethyü, nmvue shekese, nmvue n nshwen kethyü, nmvue chenda, mvue rhokedyü, nmvue kenshvu, nmvue zhethon le thyülo gwa ti ole?

Tsüntimvule nnyun kese kehü gü Sunggigü le kapu gü kerüchün sha hünyo, a-le Sunggigü kendo hontse kenshün nyu genyu hibin kehü genyu.

Kechamvule Sunggigü Kapu gü le a-tsontsin zen hü kela dan aphu, tsüdan le Sunggigü nyenyu thyü kelasi genyu.

Kechamvule thyümin kipon yhun kehü nyu le thyümin phin rüchün bin hünyo; ai Kapu kipon yhun kehünyu le Kapu gü phin gü rüchün bin kehü genyu.

A-npvü a-nyugü ai khishü tepen mvutse n gun aphu genyu khishü kelagü, a-le tha aphu pe a-nyugü sin-o kenrun nyu pe ntsüshü mvu ti ole?

Nle Sunggigü nyenyu thyülo laso tsekethyü Kapu gü le a-npvü n kapu gü zen-o jünzo bin hünyo. Lo nle a-nyenyu thyülo yatselo, a-kenya gwenlo tiso, lo tsügü tsüle Sunggigü kenya dan Jisu zen kerhün-o tsü gwen ti, nle a-zen kenjünthyülo yatselo a-zen-o zankechwi ai thyü ti.

Kechamvule thyümin kenyü yhüdyü le Sunggigü shwinyü kemvu thyüla kehü genyu; lo tsüle Sunggigü jvü hensin bin hü mvu lo bin-e loho.

Kechamvule nyhun keshü dan aphu Sunggigü nyenyu dan tesha shü nrün gü khwen-o nrin nnyun bin nyo.

Lo ntsoka-e nyhun keshü dan aphu a-kethyü pvüo kengüo ayaya tse bin kehü nne shabin nyo.