פסוקים פופולריים מ- ROMNYU 3

שתפו

Temi aphu mu laso, lo Sunggigü zankechwi gü timvu laso. Ai Jisu Khrista ge kenikelo khikeshü Sunggigü le n shwikenjün genyu kenrun nyu kentsen nyu thyülo hü nyo.

Tsügü tsü le Sunggigü kentsen le Jisu Khrista ketenyen genyu tenyen kelonyu aphu ge ryü hünyo. Kechamvule temi ligühigüe kecha thyü loho.

Temi ligühigü ai tenyenlo yatselo tsü hyulo titse kethyü genyu Sunggigü le Jisu zi pe kerüshvu nme thyüshü. Tsügü tsü le Sunggigü le a-nyunthon-o nduka mu kehü dan jüshüo a-kentsen tsinshü. Tsühontse ntsoka ai a-le ntsen letse kethyü tsinshü hünyo. A-le ntsen lo Jisu Khrista tenyen kehünyu dan thyü ntsen shü kehü gü tse kethyü meno shalo nrün genyu.

Tsügenyu tejvü kezen genyu temi nme-e a-mhundyü nyu kentsen nyu thyülo hümvu; kechamvule tejvü genyu kemu rüla shalo kehü gwünzin.

Ketsinlesü le hihontse thu njü nyo: “Temi kentsen mi ndi laso; nme ai ndi laso temi thakerüchün me ndi, Sunggigü kefü mi ndi laso. Anyugun aphu tson gwünzü laso; temi thakegwa kethyü mi ndi so; nme-e ndi laso.

Tsügenyu temi le tejvü genyu mvule ketenyen genyu kentsen nyu thyülo hü nyo tsekethyü n gun le sha tsentsü laso.

Tsonlo nrün ndi, temi aphu kenkunyu thyü hü yatse ai Sunggigü we no joketsin gü thyülo mvulo shvu. Tsü rüla hihontse thu njü, “Njo kezo nyu meno nle joketsin zohü nletse mvuloshvu; lo mele njün kera kegun ka nle me nyeki kvulo mvuloshvu.”