פסוקים פופולריים מ- ROMNYU 16

שתפו

Lo nyu kebwen khishü kehü Sunggigü le thonsa mvutse satan boren pe hagun phasin shüla ti. N gun Npugü Jisu Khrista shwikenjün gü no hagun zen bin kelo gü thyülo.

Apvünyu ju, senyu le hagun le himhundyü ki shalo kela ketenyen gü zen kentsun lo me pvükho-o me tson kekhin thyü hü yo le tsünyu tsü shabin lo, lo tsünyu nrhilo.

Kechamvule tsühontse thyü kehünyu le Npugü Khrista lothyü bin mvu, ai a-npvü a-gin fü kehü gwünzin. Anyugun jo gwasa tse, lo jozo shünshvu shülao a-nyun kenjü nyu ju sala hünyo.

Ngun Sunggigü zan shwenlo nu! Ale Jisu Khrista rüla jolokegwa jünzo kehü hontse lo ketsin gü ndukanyu kebu kenjü gü henshwi keshü hontse a-le ketenyen nyu hagun ntsen pe hagun no nnun mvu binlo gwa. Ai ntsoka we kethonthen Sunggigü jo gü genyu sidyükeshanyu ju lesü nyu ketsin gü tsü khinshye pe tsipwen aphu hishü laso, tson-o temi aphu no tenyenlo njüo zenlo nrün genyu. A-npvü tha aphu keshagü, Sunggigü no Jisu Khrista genyu kethonthen zankechwi gü thyülo! Amen.