פסוקים פופולריים מ- ROMNYU 10

שתפו

Tsüle, “Jisu lope Npugü,” letse kethyü nmün nyu zoshwilo, lo Sunggigü le kesinyu dan nyu a-thyü nrhünnilo la tsekethyü nnyun nyu tenyenlo yatselo nle kenikelo hyu loti.

Kechamvule ntsenlo nrün genyu temi le anyun pe tenyenlo hü, lo kenikelo hyulo nrün genyu a-mün pe zoshwilo kehü genyu.

Tsühontse senkethyü jo kenyü nyu ketenyen le chwiryü hü lo senkethyü jo kenyü tsüle Khrista rüla jün kezo.

Ketsinlesü le hihontse zo hünyo: “Temi ligühigüe a-tenyen kelogü le kejopvüla loho.” Judanyue lo Juda kemvunyue kecha thyülo ho, kechamvule Sunggigü le temi aphu so Npugü lo a-le kenya khipe a-ka hi kehü dan aphu tsü kehü genyu. Ketsinlesü le hihontse zo hünyo, “Temi ligühigüe Npugü zen sen-o hi kehü gü le kenilo ti.”

Lo lilonyu nishü mvu yatselo dihontse jolo gü pe senthyü shü lo mon? Tsüdan rüla thu pe bin kenjü le hihontse, “Jolokegwa sen keryü nyu pha le ditsüki thyü zegwa la?”

Ai anyugun le dihontse tenyen kemvu gü ka hilo mon? Lo anyugun le dihontse a-khwen nyülo kemvugü tenyenlo mon? Lo mele zope nsenthyü shü mvu yatselo dihontse a-khwen nyülo mon?

Kechamvule temi ligühigüe tenyen kelogü no ntsenlo nrün genyu Khrista le tejvü gü thyüpen keshü gü so.