פסוקים פופולריים מ- Erĩbĩsũlĩrwa 8

שתפו

Neryo Ekyana kyʼEmbũlĩ kyabere kyatũa ekĩbohĩ kyʼakalinda, mohahita ĩsyerere omo lubula oko mbindi yʼesaa.

Neryo omũlaĩka wʼerĩmbere mwabuha engubi yiwe. Neryo amatwa nʼomuliro, ĩbĩtũlũngene nʼomusasi, mobyaguswa omo kihugo. Nʼekihande kiguma kyʼomo bisatu kyʼekihugo mokyahya, nʼekiguma kyʼomo bisatu kyʼemiti mokyahya, nʼebiti bibisi byosĩ mobyahya.

Neryo monalangira, kandi monowa erĩsamba likaguluka omo kyanya, erĩkabũga nʼomulenge munene liti, Obũlĩge! Obũlĩge! Obũlĩge oko bĩkere omo kihugo busana nʼeribuha lyʼesyongubi syʼabamalaĩka basatu abakĩsĩya ibabuha esyongubi syabo!

Nʼomũlaĩka wʼakabiri mwabuha engubi yiwe. Neryo ekindu ekĩsosĩre ekitwa kinene ekikaka mʼomuliro mokyaguswa omo ngetsi. Nʼekiguma kyʼomo bisatu kyʼengetsi mokyahinduka musasi

Neryo omũlaĩka wʼakasatu mwabuha engubi yiwe. Neryo engũnũnũ nene, eyikaka ngʼolumole, moyatoga ĩkalũa elubula, moyatogera oko kiguma kyʼomo bisatu kyʼesyonyũsĩ, nʼoko syongũnũnũko syʼamagetsi. Erĩna lyʼengũnũnũ eyo ni Engalihira. Nʼekiguma kyʼomo bisatu kyʼamagetsi mokyakaliha; kandi abandu bangi mobahola busana nʼerĩpũlya amagetsi ayo, kusangwa abirikalĩhĩbwa.

Neryo omũlaĩka wʼakani mwabuha engubi yiwe. Neryo ekiguma kyʼomo bisatu kyʼeryuba, nʼekiguma kyʼomo bisatu kyʼomo mukera, nʼekiguma kyʼomo bisatu kyʼesyongũnũnũ mobyabandwako, kyaleka ekiguma kyʼomo bisatu kyʼerĩkolerya lyabo ikyabya mwĩrĩmya. Kandi ekiguma kyʼomo bisatu kyʼomusibo mokĩtakolerya, nʼekiguma kyʼomo bisatu omo kiro mokyabya kitya.