פסוקים פופולריים מ- Erĩbĩsũlĩrwa 19

שתפו

Tutseme, tutsange, tumuhe olukengerwa! Kusangwa erĩherũkya lyʼEkyana kyʼEmbũlĩ lyabĩrĩhĩka, nʼomũherũkĩ wuwe abĩrĩyĩtegekanĩa.

Oko kanzu yiwe nʼoko kihinga kiwe habya hasakĩre erĩna liti, Omwami wʼabami, nʼOmukama wʼAbakama.

Neryo monalangira olubula ilukingukere, neryo lebaya, habya esabayĩrĩ nyeru-nyeru. Oyukagenda kuyo akahulawa mo Oyuteregula nʼowʼekwenene. Kandi omo litunganene akatswera nʼerilwa amalwa.

Ameso wuwe ni kirimi kyʼomuliro, nʼesyombĩta nyingi siri oko mutwe wuwe. Kandi awite erĩna lĩmũsakĩreko, nĩkwa sihali mundu wasĩryo, nina ye ĩyowene. Neryo ekanzu abya ambite ĩnĩtoberĩbwe omo musasi, nʼerĩna liwe nĩ Kĩnywa kya Nyamuhanga.

Kandi omũyalĩ owatwĩre mwalũa omo buno buwe. Neryo asyakĩnda ebihanda omo mũyalĩ oyo. Nĩkwa asyatabala oko bihanda ebyo, omo mũtso wʼekyuma, neryo asyakamira omo muhe ebĩnyũ byʼerihitana lĩkalĩre lya Nyamuhanga, Omũtokĩ Wʼebyosĩ.

Nĩ­kwa enyama eyo moyahambwa, nʼomũmĩnyererĩ wʼamabehĩ haguma nayo, oyo wabya akakola ebitiko-tiko embere syʼenyama eyo. Omũmĩnyererĩ wʼamabehĩ oyo mwatebabo omo bitiko-tiko ebyo bahĩrawako omo lusako lwʼenyama eyo, nʼerĩramya esanamu yayo. Ababiri aba, nʼenyama eyo, nʼomũmĩnyererĩ wʼamabehĩ, mobaguswa ibaneho, omo ngetsi yʼomuliro eyikagulumira nʼekirimi.