פסוקים פופולריים מ- Erĩbĩsũlĩrwa 11

שתפו

Neryo omũlaĩka wʼakalinda mwabuha engubi yiwe, neryo emirenge minene-minene omo lubula moyabũga iti, Obwami bwʼekihugo bwabiribya bwami bwʼomukama wetu, nʼobwa Kristo wuwe, naye asyatabala kera na kera!

Nʼebihanda mobyahitana, Nʼerihitana lyawe molyahĩka, Nʼomugulu mwahĩka owʼeritswera abaholĩ, Kandi omugulu mwahĩka owʼerihemba abagombe bawe abamĩnyererĩ, Nʼabandu bawe bosĩ, abakulu, nʼabake-bake, Nʼabakubaha erĩna lyawe, Kandi omugulu mwahĩka busana nʼerĩtogotya Abandu abakatsandaya ekihugo!

Nage nasyaha abalangĩrĩ bage babiri ehamũlĩ, nabo basyatũla omwatsi wa Nyamuhanga ebiro elfu nguma nʼamagana abiri nʼamakũmĩ ndatu (1,260), ibambite emisarandwe.

Nʼenyũma wʼebiro bisatu nʼembindi, omuka wʼengebe akalũa uku Nyamuhanga mwahĩka mubo, nabo mobahangana, neryo eriubaha ĩnene molyahĩka oko bandu abalangirabo.

Aba bawite obũtokĩ bwʼerĩrĩba ekyanya, embũla initasyawa oko mugulu ogo bakatũla omwatsi wa Nyamuhanga. Kandi bawite ehamũlĩ oko magetsi erihindulago mo musasi, kandi bawite ehamũlĩ yʼerĩĩta ekihugo omo mĩsĩndo yosĩ yʼesyondwala oko migulu yosĩ banzĩre.

Abalangĩrĩ babiri aba ni miti ĩbĩrĩ yʼeMĩzeĩtũnĩ, kandi ni tala ĩbĩrĩ abimene embere syʼOmukama wʼekihugo. Kandi omundu amalenga erikolabo nabi, omuliro akalũa omo muno wabo nʼerĩhĩsya esyonzĩgũ syabo. Neryo omundu amasonda erikolabo nabi, asyĩtwa atya.