פסוקים פופולריים מ- Yakobo 3

שתפו

Nĩkwa amenge awakalũa endata, embere ni mabuya; kandi ni wʼobuholo, kandi ahehere, kandi akowa lũba, oswĩre mwʼeriganyira, nʼemĩbĩrĩ mibuya; kandi sialisombola ndi nandi, kandi sĩalĩyĩtendereraya.

Nindi omo katĩkatĩ kenyũ oyuwite amenge nʼeriminya kwehĩ? Akanganayebyo omo mibere mibuya yiwe, nʼomo mĩbĩrĩ yiwe eyo akakola nʼomutima molo, nʼowʼamenge.

Kandi emyatsi eyikaleta ebitunganene ĩkatsũka omo buholo busana nʼabandu abakayira Obuholo.

Kusangwa ahali eritsura nʼeriyanza nabi, aho hali erinegena nʼerikola ebĩtĩsĩrĩre byosĩ.

Omo lulimi tukapipa Omukama wetu na Tata; kandi mulo tukatakira abandu abahangikawa omo kĩsosekanĩo kya Nyamuhanga! Omo buno buguma mũkalũa eripipa nʼeritakira. Balĩkyetu, emyatsi eyĩ siyangabya itya!

Nʼolulimi luli ngʼomuliro, olulimi ni kihugo ekyoswĩre nʼebibi. Olulimi lwĩkere omo katĩkatĩ kʼebĩtsũko byetu, kandi lũkatsandaya omubiri gosĩ. Kandi lũkakaya omuliro omo mitima yetu, omuliro oyo akalũa elĩfero.

Nĩkwa sihali mundu oyukatoka erĩbegerya olulimi. Kusangwa olulimi ni kibi ekiteluhuka, ĩloswĩre nʼobuti obũkĩta.

Balĩkyetu, Sihabye abakangĩrĩrya bangi omo katĩkatĩ kenyũ, kusangwa ĩtwe bakangĩrĩrya twasyatswerwa erĩkalĩre kwilaba bandi.