פסוקים פופולריים מ- Abaebrania 4

שתפו

Kusangwa ekĩnywa kya Nyamuhanga kiriho, kandi kinemukola omũbĩrĩ, kandi kĩtwĩre kwilaba omũyalĩ owawite amoya abiri. Kikatsimita erĩhĩka okwʼigaba omutima nʼekĩrĩmu; kandi erĩhĩka okwʼigaba esyonungo nʼomungoso. Kandi kikatoka eritswera erisonda nʼamalengekanĩa gʼomutima.

Neryo tuyitwale hakũhĩ nʼobwĩranda oko kĩtũmbĩ kyʼobwami kya Nyamuhanga, ahali olukogo. Tutoke eribana eriganyira, kandi twangirire olukogo lwʼerĩtũwatĩkya oko mugulu wʼobwaga.

Kusangwa omũhererĩ wetu mukulu oko bahererĩ bosĩ si mundu oyũtetũkwĩra obũlĩge omo bolo-bolo bwetu. Nĩkwa tuwite omũhererĩ mukulu oko bahererĩ bosĩ oyo walengawako omo myatsi yʼemĩsĩndo yosĩ eyikatulengako netu, nĩkwa mwatakola ebibi.

Sihali ekĩhangĩkĩre ekĩbĩsamĩre uku Nyamuhanga. Nĩkwa ebyosĩ bisanzukere, kandi biminyikere omo meso wa Nyamuhanga. Kandi twasyayĩbalya ukwʼiye.

Tuhambe ndeke emyatsi eyo twabĩrĩkĩrĩrya, kusangwa tuwite omũhererĩ mukulu oko bahererĩ bosĩ, oyo wabirilaba omo lubula, Ye Yesu Mugala wa Nyamuhanga.

Neryo tuyitsinge kutsibu eriingira omwʼiluhuka eryo. Sihabye omundu oyukagana erĩowa ngoko bakola, nʼeritaluka eriingira mulyo.