פסוקים פופולריים מ- Emĩbĩrĩ 1

שתפו

Nĩkwa mwasyabana obũtokĩ omugu­lu Omũlĩmũ Abũyĩrĩre asyabahĩkako. Kandi mwasyabya batũlĩ bʼomwatsi wage eYerũsalema nʼomo Yũdea yosĩ, nʼeSamarĩa, nʼerĩhĩka oko ndũlĩ-ndũlĩ syʼekihugo.

Yesu mwabwirabo ati, Tata abiritegeka emigulu nʼebirimo omo hamũlĩ yiwe ĩyowene. Kandi si mwatsi wenyũ eriminyabyo.

Neryo abakwenda babere babĩhĩndana, Yesu mwahanabo ati, Sĩmũlũe eYerũsalema, nĩkwa mulinde oyo Tata wage alaga, yo nʼoyo nabagambulira. Kusangwa Yoane mwabatĩsya omo magetsi, nĩkwa ĩnywe mwasyabatĩsĩbwa omo Mũlĩmũ Abũyĩrĩre hate hakya biro bingi.

Omo biro makũmĩ ani enyũma wʼobuligo buwe, Yesu mwayĩkangya kubo esyongendo nyingi kwʼaneho, omo bĩmĩnyĩsyo bingi byʼekwenene. Kandi mwabutukira kubo, iniakabwirabo emyatsi yʼobwami bwa Nyamuhanga.

Neryo abere abĩbũga emyatsi eyĩ, Yesu mwasumbirwa endata ibanatungerere, nʼekĩtũ mokyamwĩmya erĩlũa oko meso wabo.

Nĩkwa babere banemulalamira omo kyanya akagenda, neryo lebaya, abandu babiri abʼesyongimba nyeru-nyeru, mobahangana hakũhĩ nabo, bati, Ĩnywe balume bʼeGalĩlaya, busana nakĩ mukahangana aho mukasamalira omo kyanya kwehĩ? Yesu oyukabitwalwa elubula akalũa ũkwʼĩnywe, asyaswasa atya ngoko mukabimusamalira akaya elubula.