פסוקים פופולריים מ- Avalumi 2

שתפו

Ino veve, munyawiyendi, yewakuvahiga vala avipiga ing'ani ndawe iso neke nave viva peupiga siso, witigila ukuluka uwuhige wa Nguluvi? Apangi ngali wibedala uwuwuya wakwe uwukomi, na uwukangalifu wakwe, na lwikangaliso lwakwe na uwunsindile wakwe sukulukagula ukuta mbesili isi sidonya veve sambi uhongese nu kupela?

Sweno, munyawiyendi, wone ukuvahiga avangi, siuhwaniti wikanile nambi uvelage winani. Pakuva pe ukuvahiga avangi, ukwikotola yuveve pakuva nayuveve wawipiga sisila sewawihiga.

Pakuva Nguluvi mugaya luhagu.

Mulatigila vala vevavipulika indagilo vevagolofu kwa Nguluvi hela pesi vala avakwinatila indagilo vevidikilwa ukuta vagolofu.

Ikimunyi icho Nguluvi saamuhomba yeyeavesaga ukutegana nifipigo fyakwe.

Neke vala avangi vamusatila pakwe, avanyakubihila uwugolofu neke vafwatage uwanangifu, ililakali na imbipi sa Nguluvi sivagwila.

Neke ulwene wi mutalamu ni mbedasi mu numbula yako ukwivikila yuveve ililakali ku kimunyi kila cha uluhigilo lwa uwugolofu cha ililakali lya Nguluvi pesaliva ligubwilwe pawelu.