פסוקים פופולריים מ- Mathayo 24

שתפו

Timbe maricho nomedre, omiyo hera mar ji mang’eny nodog chien. To nga’ma otimo kinda nyaka giko ema nokwo.

Wach maber mar Loch Nyasaye noland e piny duto, mondo ogendini duto ong’e eka bang’e giko nobi.

Unuwinj mahu mag lwenje man kuonde machiegni, kod wach lwenje man kuonde maboyo, to kik chunyu parre. Gik ma kamago nyaka timre, to mano ok onyiso ni giko mar piny osechopo

nimar ogendini noked gi ogendini wetegi, kendo ruodhi nomonj ruodhi wetegi. Kech bende nowuogi, kendo piny noyiengini kuonde mopogore opogore. To masichego duto gin mana chakruok mar ndalo manyien.

Polo gi piny norum. Wechena to ok norum ngang’.

nikech ji mang’eny nobi gi nyinga, kawacho ni, ‘An e Mesia,’ mi ginimi ji mathoth lal.

“E ndalogo, ginimaku ma giteru mondo okumu kendo onegu, bende ogendini duto nobed mamon kodu nikech un joga. Ji mathoth nowe Nyasaye, mi ndhogre kendgi, kendo bed mamonre. Bende jonabi mag miriambo nowuogi, mi nomi ji mang’eny lal.

Yesu nodwokogi ni, “Beduru motang’ mondo kik ng’ato wuondu

Mano omiyo un bende beduru kuikoru, nikech Wuod Dhano biro biro e sa ma ok ung’eyo ni onyalo biroe.

Kuom mano, beduru motang’, nikech ok ung’eyo chieng’ ma Ruodhu biroe.

“To onge ng’ama ong’eyo chieng’ ma gigo notimre, kata sa ma ginitimree. Kata malaika mae polo, kata mana Wuowi ok ong’eyo to Wuoro kende ema ong’eyo.

nikech Mesia mag miriambo kod jonabi ma ok madier notuchi. Ginitim ranyisi madongo kod honni, mondo kanyalore to giwuondgo kata mana joma Nyasaye oyiero.

Biro mar Wuod Dhano nobed mana kaka ndalo mag Nowa nobet, nikech e ndalo mane ataro pok obiro, ji ne chiemo kendo metho, bende chuo ne kendo mon, nyiri bende ne dhi tedo, nyaka chieng’ mane Nowa odonjo e yie. To ne ok ging’eyo gima timore nyaka ataro nobiro moimogi duto. Kamano e kaka biro mar Wuod Dhano bende nobedi.