פסוקים פופולריים מ- Noo Mark 10

שתפו

Son cha daink yn eer Mac dooinney dy ve shirveishit, agh dy hirveish, as dy chur e vioys ny lhiassaghey son ymmodee.

As yeeagh Yeesey orroo, as dooyrt eh, Da deiney ta shoh neu‐phossible, agh cha vel eh da Jee: son da Jee ta dy chooilley nhee possible.

As dooyrt Yeesey rish, Immee royd; ta dty chredjue er dty laanaghey. As cheleeragh hooar eh e hoilshey, as jimmee eh marish Yeesey er y raad.

Cre‐erbee er‐y‐fa shen ta Jee er chur cooidjagh, ny lhig da dooinney erbee y scarrey veih‐my‐cheilley.

Eisht Yeesey, jeeaghyn dy ennoil er, dooyrt rish, Ta un red ort foast dy yannoo: immee royd, as creck ny t’ayd, as cur eh da ny boghtyn, as bee berchys ayd ayns niau; as tar, trog y chrosh, as eiyr orrym’s.

As dreggyr Yeesey, as dooyrt eh rish, Cre bailt mee dy yannoo er dty hon? Dooyrt y dooinney doal rish, Hiarn, dy voddym my hoilshey y gheddyn.

Agh cha bee shiuish myr shen: agh quoi‐erbee jiuish baillish ve ooasle, lhig da ve nyn shirveishagh

Dy firrinagh ta mee gra riu, Quoi‐erbee nagh jean goaill reeriaght Yee myr lhiannoo beg, cha jed eh stiagh ayn.

Agh bee ymmodee jeusyn ta hoshiaght er‐jerrey: as jeusyn ta er‐jerrey, hoshiaght.

Agh er‐dy hoshiaght y theihll, chroo Jee ad fyrrynagh as bwoirrynagh. Er‐yn‐oyr shoh nee dooinney faagail e ayr as e voir, as lhiannee eh gys e ven. As bee ad ny‐neesht un eill: myr shen cha vel ad ny‐sodjey jees, agh yn un eill.