פסוקים פופולריים מ- Mataio 5

שתפו

Vazeꞌa ihure hofadu siuva ꞌuꞌuḡano mene teꞌohe, rehano ihure tiꞌeteꞌe habaꞌano teadu ne zamaḡano radiuꞌeteꞌe azaḡa niduꞌa agazeꞌohe. Ihure agaḡaniꞌa vaze niduꞌa agazeꞌeteꞌe teige, zae haḡai manoḡa vaze mazao ago uꞌure toꞌi, rehano furenoꞌi. ꞌOugine, vazeꞌa zae haḡai manoḡa horonadu Moze adureo niguniꞌuma.

Zaꞌe, eḡe hegoteꞌeteꞌe azaḡa, raha ꞌada aganeꞌeteꞌe ihure agaḡa heuḡa. Maḡa hitagano radiuꞌeteꞌe neḡa boroꞌe ꞌuꞌuranoga mene idaḡa.

Zamaze deheḡa azaḡaꞌe Badiꞌa manohugazeta, mazaḡa zeꞌe Badiꞌa horoniꞌuma.

Badiꞌaꞌa urateꞌetaꞌaꞌe haḡaihi rae inareꞌeteꞌe azaḡaꞌe Badiꞌa manohugazeta, mazaḡa Badiꞌaꞌa danazadu zeꞌa ꞌouge haḡaiꞌuma.

Rehano e ziꞌohe, zae agire azaḡa zamaroꞌi, ebu zae sausauziꞌeteꞌe azaḡa veize kuranoꞌi.

“Zamaze zaharaḡa azaḡaꞌe Badiꞌa manohugazeta, mazaḡa Badiꞌaꞌa ibitoziniꞌohe.

Vazevaze uniho mae manofeꞌeteꞌe azaḡaꞌe Badiꞌa manohugazeta, mazaḡa Badiꞌaꞌa zeꞌe ane ubuga rae huziꞌuma.

Zamaze areꞌenaꞌa, niauꞌeteꞌe azaḡaꞌe Badiꞌa manohugazeta, mazaḡa zeꞌe Badiꞌaꞌa namiziꞌuma.

Badiꞌa ura haḡaeꞌeteꞌe uꞌano, vazeꞌa sausauziꞌeteꞌe azaḡaꞌe Badiꞌa manohugazeta, mazaḡa zeꞌe Badiꞌaꞌa ibitoziniꞌohe.

Vaze vetuḡaziꞌeteꞌe azaḡaꞌe Badiꞌa manohugazeta, mazaḡa Badiꞌaꞌa ze vetuḡaziꞌuma.

Zaꞌe eḡe hegoteꞌeteꞌe uꞌano, vazeꞌa rae sausauzine, agirezinine ga ḡurireꞌenaꞌa ḡoere sauꞌa nunu niduꞌa zae rana tine, Badiꞌa manohuga hideꞌohe. Za, matuꞌe rudanoꞌi, mazaḡa Badiꞌaꞌa adureo naeḡaꞌe boro bagaḡa ziniꞌuma. Vouḡazeꞌa peroveta ibiꞌa azaḡa zuni deꞌuge sausauzido.

Zamaze roḡeḡa azaḡaꞌe Badiꞌa manohugazeta, mazaḡa zeḡe ꞌevorao haba riꞌiniꞌuma.

Damaꞌe ḡau manoḡa raꞌeteꞌe teige, zaꞌe, eḡe hegoteꞌeteꞌe azaḡa, raha ꞌadao dama heuḡa. Rehano dama iniganiꞌa dauḡine, iniga bare furenoga mene idaḡa. Ḡau ꞌahoga veize mene manoḡa. Aꞌe mae modadu vazeꞌa edene oname onaeꞌohe.

Eꞌanoꞌo agire azaḡa zu zamare hunoꞌi. Badiꞌa mazaoꞌe veꞌoḡa oꞌoꞌa teige, za zu veꞌoḡa ꞌahoga ago haḡaoꞌi.”

Zaeꞌa nagini ꞌahoga haḡaiꞌuma roꞌidene, 'Oꞌe, e haḡaiꞌuma', ga 'Mene, e mene haḡaiꞌuma' daꞌo rae roꞌi. Ḡoere ꞌahogaꞌahoga ragatine, aꞌe Sataniꞌonoꞌo fureruꞌohe.

Zaꞌe edeḡa Mose goro ḡoeꞌano ꞌahige reiro, raenaꞌa, 'Vaze ꞌahoganiꞌa ḡae ubuma sausaunoꞌidene ga ḡae ḡonone vahegoꞌidene, vazeḡa eꞌe ubuma zu sausaunoꞌi ebu ane ḡonone zu vahegoꞌi.' Rehano e ziꞌohe, vaze sauꞌa mazao ago naenaetitoꞌi. Vaze ꞌahoganiꞌa zae edaꞌe ḡaniga faꞌoꞌnoꞌidene, aniꞌa bare faꞌoꞌnoga veize zae kauri ḡaniga zuni notonohanoꞌi.

Ḡae edaꞌe ubumaḡaniꞌa haḡai sauꞌa haḡaoꞌidene, eꞌe ubumaḡa ḡude modoꞌi. Mazaḡa ahiriḡo tahiḡa modeꞌetaꞌaꞌe aduga komeꞌa, u ahiriḡo niduꞌa ire roga zamaḡano mae feuꞌeꞌetaꞌaꞌe ufeta aduga boro. Ebu ḡae edaꞌe ꞌevoꞌaniꞌa haḡai sauꞌa haḡaoꞌidene, eꞌe ꞌevoꞌaꞌe variꞌe modoꞌi. Mazaḡa ahiriḡo tahiḡa modeꞌetaꞌaꞌe aduga komeꞌa, u ahiriḡo niduꞌa ire roga zamaḡano mae feuꞌeꞌetaꞌaꞌe ufeta aduga boro.