פסוקים פופולריים מ- لَاتَانٛوجِ 17

שתפו

ندٜ عَبْرَامَ وَطِ دُوࢡِ شَݠَّنْطٜ جٛوٜىٰنَيِ عٜ جٛوٜىٰنَيِ (99)، جَوْمِرَاوٛ وَنغَنِمٛ، وِعِمٛ‏: «مِنْ وٛنِ اَللَّه بَاوْطٛ، يٜىٰطُ يٜىٰسٛ عَمْ عَ تِمُّطٛ‏!

عَعٜوْنٛرْتَاکٜ ڢَحِنْ عَبْرَامَ، عَمَّا إِبْرَاهِيمَ، نغَمْ مِوَطِ مَ عَ بَابَ عُمَّاتٛوجٜ طُوطّٜ؞

مِحَࢡَّنْ عَلْکَوَلْ بٜى مَاطَ عٜ ࢡَاوٛ مَاطَ بٛو بٜى دَࢩْغٛلْ مَ، ندٜرْ غِدٜ مَࢡّٜ ڢُو؞ عَلْکَوَلْ نغَعَلْ دُومٛتٛ حَا ڢٛرٛيْ، حَا مِلَاتٛ اَللَّه مَاطَ عٜ اَللَّه دَࢩْغٛلْ مَاطَ ࢡَاوٛ مَ؞

«ندَا، عَلْکَوَلْ عَمْ بٜى مَاطَ؞ عَلَاتٛتٛ بَابَ عُمَّاتٛوجٜ طُوطّٜ؞

اَللَّه جَابِ‏: «نَا نٛنْ‏! دٜبّٛ مَاطَ سَارَةُ دَࢩَنْتٜ ࢡِطّٛ غٛرْکٛ، عَعِنْدَنْ مٛ‏: إِسْحَاقَ؞ مِحَࢡَّنْ عَلْکَوَلْ بٜى مَاکٛ، نٛنْ بٛو بٜى دَࢩْغٛلْ مَاکٛ ࢡَاوٛ مَاکٛ؞ نغَلْ دُومٛتٛ ڢٛرٛيْ؞

مِمَرْنٜتٜ مَرَلْ دُومِينغَلْ لٜسْدِ کَنَانَ ڢُو، لٜسْدِ ندِ جٛوطِطَ ندٜرْ مُوطُمْ بَنَ کٛطٛ، عَنْ عٜ دَࢩْغٛلْ مَاطَ ࢡَاوٛ مَاطَ بٛو؞ مِلَاتٛتٛ اَللَّه مَࢡّٜ؞»

إِبْرَاهِيمَ سُجِدِ دٛوْ يٜىٰسٛ مُمْ، عٛجَلِ، عٛوٛلْوِ ندٜرْ ࢡٜرْندٜ مَاکٛ‏: «بَنَ نٛيْ مَرْدَنْمِ ࢡِنغٜلْ مِنْ مٛ دُوࢡِ تٜىٰمٜرّٜ (100)؟ مَلَّ سَارَةُ مٛ دُوࢡِ شَݠَّنْطٜ جٛوٜىٰنَيِ (90) دَࢩَنْ نَ؟»

ندٜنْ اَللَّه وِعِ إِبْرَاهِيمَ‏: «تَا تٛکَّ عٜوْنَاغٛ دٜبّٛ مَاطَ سَرَيْ؞ عِنْدٜ مَاکٛ وَرْتَ سَارَةُ؞

جُولْنٛلْ نغٛعٛلْ لَاتٛتٛ عَلَامَ عَلْکَوَلْ حَکُّندٜ عَمْ بٜى مٛوطٛنْ؞

عَمَّا عَلْکَوَلْ عَمْ کَمْ، مِحَࢡَّنْ نغَلْ بٜى إِسْحَاقَ، مٛ سَارَةُ دَࢩَنْتٜ مَوْرِ بَنَ نِي؞»

غٛرْغٜلْ شَکَ مٛوطٛنْ ڢُو، تٛ وَطِ بَلْطٜ جٛوٜىٰتَتِ، نغٜلْ جُولْنٜ، طُمْ لَاتٛ نٛنْ حَا غِدٜ مٛوطٛنْ ڢُو؞ عَجُولْنٛ بٛو مَشُّࢡٜ دَࢩَاࢡٜ حَا سَارٜ مَاطَ ڢُو، نٛنْ بٛو سٛودَاࢡٜ بٜى شٜىٰدٜ دِغَ ࢡِࢡّٜ جَنَنْࢡٜ ࢡٜلَاتَاکِ لٜࢩٛلْ مَاطَ؞ مَشُّطٛ دَࢩَاطٛ حَا سَارٜ عٜ شٛودَاطٛ بٜى شٜىٰدٜ، ࢡٜنجُولْنٜ؞ نغَمْ حَا عَلْکَوَلْ عَمْ لَاتٛ حَا ࢡَلِّ مٛوطٛنْ بَنَ مَانْدٛرْدٜ عَلْکَوَلْ دُومِينغَلْ؞