פסוקים פופולריים מ- Mateo 28

*Méxra̱ sátjira kaín nación la tjákohéra chojni kixin tsitekaon sin ti janhan. Tíki̱texínra sin kjuachaxíen ihni̱é Itꞌéni Díos, ihni̱é ti Xje̱en chꞌan la ko ti Ncha̱kuén chꞌan. Tjákohéra sin kixin sinchexiteyá sin kaín ti nkehe kuéto̱an. Ndá janhan tsjakꞌé tsꞌejóni nkochríxín hasta tsjeje̱ chjasintajni. Mé xi̱kaha tso̱hen.

Ndá chꞌin Jesús kóchjinehe chꞌan ti jehe sin la ndáchro chꞌan: ―Díos kjuajon kaín kjuachaxin nkaya nka̱jní la ko chjasintajni.

Ndá ti ángel mé ndáche ti chojnichjin: ―Chrakonhñara. Nóna kixin xritjéyára ti chꞌin Jesús ti nkexro kjuákꞌenkáni ntacruz. Í kohya chꞌan ntihi, ó xechón chꞌan ínaá éxi chrónka chꞌan senó. Xrákira tsjehéra ti kjuákꞌe sin chꞌan, í kohya chꞌan.

Ndá chꞌin Jesús, ndáchro: ―Chrakonhñara, sátjira chenkara ti sin kíchóni kixin sátsji̱ sin Galilea, ntiha tsꞌikon sin ti janhan.

Ndá ti sin ncha̱tꞌá tꞌe̱to̱an la nixje̱he̱ sin ti sin táda la nkoko̱a kjuénka̱yáxin sin la chjéhe sin itsjé chichaon ti sin soldado, la ndáchro sin: ―Chro̱nkara kixin ti ó tie na̱xa̱ tjejochri̱nra la ikui ti sin kꞌuájiko chꞌin Jesús, la kueé sin ti cuerpo kuènté chꞌan, ichrora. A̱ndá ti tso̱nohe ti gobernador ti nkehe kóhen, la jeheni tsonixje̱he̱ni chꞌan kixin tso̱nínkakuanhñara chꞌan ―ichro ti sin ncha̱tꞌá. Ndá ti sin soldado la kuákja ti chichaon la sákjuí sin la xi̱kaha kjuíchꞌe sin éxi kꞌuítuehen sin. La xi̱kaha chronka ti sin judío hasta ijie ña̱o.