פסוקים פופולריים מ- Илҷілернің 1

שתפו

Че Худай Худы сірерге тол парза, кӱс алынарзар, андада сірер Иерусалимде дее, прай Иудей чирінде дее, Самар чирінде дее, чирнің хыринда даа Минің киречілерім поларзар.

Иисус, тізең, оларға нандырған: – Хаҷан паза хайди поларын Пабам Позының ӱлгӱзінең турғысхан, сірерге оларның хаҷан поларын пілерге кирек чоғыл.

Іди Ол, илҷілерні чыып алып, чахығ пирген: – Иерусалимнең парбаңар, че Пабамның пирген сӧзінің толарын сағыңар, анзын мин сірерге чоохтаан полғам. Иоанн суғнаң кіреске тӱзірген, сірер, тізең, хай пірее кӱн мының соонаң Худай Худынаң кіреске тӱзерзер.

Тоозылған соонда, Иисус оларның алнында ӧӧн позынаң тіріге тура тӱскен. Хырых кӱн аразында кӧп аймах-пасха ізестіг киречілестернең хати-хати киліп, Худай хан-ӱлгӱзінеңер чоохтаан.

Іди чоохтанып, Иисус оларныңох кӧзіне тигірзер кӧдіріле халған, пулут, тізең, Аны оларға кӧрінмес иде чабысхан.

Аның тигірзер ӧӧрлеп парыбысханын кӧр турчатхан аразында, кинетін оларның алныларында ах кип-азахтығ ікі ирен тура тӱзіп, тееннер: – Галилей чирінің кізілері! Нимее сірер тигірзер кӧр турзар? Пу сірердең тигірзер алдыра ӧӧрлеп парыбысхан Иисус. Аның хайди ӧӧрлеп парыбысханын кӧрдіңер, Ол олох оңдайнаң нандыра айлан килер.