פסוקים פופולריים מ- يُوحَنَّا 21

שתפו

وبَعْدْمَا كْلَاوْ، قَالْ يَسُوعْ لْسِمْعَانْ بُطْرُسْ: «يَا سِمْعَانْ وِلْدْ يُونَا، يَاخِي تْحِبْنِي أَكْثِرْ مِلِّي يْحِبُّونِي هَاذُومَا الكُلْ؟». جَاوْبُو: «إِيْ نْعَمْ، يَا رَبْ. إِنْتِ تَعْرِفْ الِّي آنَا نْحِبِّكْ». قَالُّو: «أَرْعَى الغْنَمْ مْتَاعِي». وقَالُّو يَسُوعْ مَرَّة أُخْرَى: «يَا سِمْعَانْ وِلْدْ يُونَا، يَاخِي تْحِبْنِي؟». جَاوْبُو: «إِيْ نْعَمْ، يَا رَبْ، إِنْتِ تَعْرِفْ الِّي آنَا نْحِبِّكْ». قَالُّو: «تِلْهَا بِالغْنَمْ مْتَاعِي». وسِأْلُو مَرَّة ثَالْثَة: «يَا سِمْعَانْ يَا وِلْدْ يُونَا، يَاخِي تْحِبْنِي؟». حْزِنْ بُطْرُسْ عْلَى خَاطِرْ يَسُوعْ سِأْلُو مَرَّة ثَالْثَة: «يَاخِي تْحِبْنِي؟». قَالُّو: «يَا رَبْ، إِنْتِ تَعْرِفْ كُلْ شَيْ، وتَعْرِفْ الِّي آنَا نْحِبِّكْ». قَالُّو يَسُوعْ: «أَرْعَى الغْنَمْ مْتَاعِي.

الحَقْ الحَقْ نْقُلِّكْ: وَقْتِلِّي كُنْتْ صْغِيرْ، كُنْتْ تِلْبِسْ حْوَايْجِكْ وَحْدِكْ وتِمْشِي وِينْ تْحِبْ. آمَا وَقْتِلِّي تْوَلِّي شَايِبْ، تْمِدْ يْدِيكْ ووَاحِدْ آخَرْ يْلَبْسِكْ ويْهِزِّكْ وِينْ مَا تْحِبِّشْ تِمْشِي».

قَالِلْهُمْ: «إِرْمِيوْ الشَّبْكَة عْلَى يْمِينْ الفْلُوكَة وتَوَّا تَلْقَاوْ الحُوتْ». رْمَاوْ الشَّبْكَة ومِنْ كُثْرِةْ مَا كَانِتْ مْعِبْيَة بِالحُوتْ، مَا نَجْمُوشْ يْخَرْجُوهَا.

قَالِلْهُمْ سِمْعَانْ بُطْرُسْ: «آنَا مَاشِي نِصْطَادْ». قَالُولُو: «أَحْنَا زَادَا نِمْشِيوْ مْعَاكْ». خَرْجُوا وطَلْعُوا فِي الفْلُوكَة، آمَا اللِّيلَة هَاذِيكَا مَا صْطَادُوا شَيْ.