פסוקים פופולריים מ- Okuvaayo 35

שתפו

Agho Musa yaakobera Abaisiraeli ati: “Musengwa Katonda yalonda Bezalelo mutabane wa Uri, era mwidhukulu wa Hura, era nga wa mu kika kya Yuda. Katonda yaatoola ku maani ge ye mwene yaagamugha, era yaamugha obusobozi, n'amagezi, n'obumanhi, era yaamugha okutetenkania n'okuyiiya.

Musengwa Katonda yaabaidhuza amagezi, nga basobola okukola kiisi mulimo gwonagwona: ka gube ogw'omubaadhi ow'amabaale ag'omughendo, oba ogw'omuyiiya, oba ogw'omulusi ow'engoye, oba ogw'adholiga engoye ng'akozesa n'empiso n'ewuuzi ka dhibe dha bbululu, oba dha nakasooma, oba dha ngoye mpegheevu. Era baasobola okukola kiisi mulimo ogwetaagisa okutetenkania.