פסוקים פופולריים מ- ROM 8

שתפו

Madai khe hamjaoma dengyarao khe, bo ning bo saikhoba lai bo longyarao ne de, bonsi ham mane khlai hi khrip jadi khebo dang ri du thi hi jing tharmai du.

Musi jangbo, thihyaba na hayu, na sorgo ni deglarao, na bisardarrao, na jinis dongyaba, na dongphai ginyaba, na raothai buthu, niyakha la juba, thuba, niyakha la jinis sangsaiyaba khrip ha bo musi jang bo jini Gabra Krista Jisu ha dongyaba Madai ni khasaoma ni phrang jingkhe degao ri phu nang niya thi hi ragao sisi ang tharmai du.

Olei jasosi ning, bese de jing raoya jayaba buthu ha jingkhe bo juru du, bede thikhade, snadi balam khe jing bima nang du thihi mithiya, thikhabo, bese de hoima jang thiblaiya si bo jingkhe bi mane grao ri du.

Bo grao buthu ha la jing snadi thi nang kho? Jini gede Madai gaba kha la, sere jing jang nanglai phu ma?

Odebani du ni phrang de Krista Jisu ha dongyarao ne khlai hi de musibo gajai giri kha.

Saomang gede ni jinis de thihlam se, thikhabo bese gede ni jinis khe nangjaoyaba de hayu jang santi se.

Degaoya dou! Ebo khrip ha ning, bo jing khe hamjao bani khlai hi deyahrao thanebo jing dedao kha.

Duhani bubli ha dukhu ja ginyaba buthu de jini ha muima phnu hi dong ginyaba jang de suhi thi phalai mani musibo niya kho.

Krista ni hamjaoma ni phrang sere jing khe degao ri phuma? Dukhu ha ja thing, kha waimu ha ja thing, do jaoba ha ja thing, asari ha ja thing, sao ha rih giriyaba ha ja thing, khinyaba ha ja thing, niyakhala, seng jang ja thing bo jing khe degao ri phu nang?

Odehe, khah khe naiyaba Madai ning, bese ni baothai khebo tharmai hi, bese ning Madai nangjaoba lai ning subung gatharrao ne khlai hi bo khainsu ri re.

Madai ni bese jang langsmai hi dongyarao khrip Madai ni basathu se.

Saomang ni dara ha thang hi dongyarao de saomang gede ni jinis buthu khe bonsi nangjao re, thikhabo bese ni dara ha thang hi dongyarao de, bese gede ni jinis buthu khe bonsi nangjao re.

Bo jarni basa khebo mathaoya hi jing khrip ne riyaba la, jinis gibin khrip khebo bo jinthane magna ri nang niya na somo?

Bo bese jang ning jini bese jang masi jahi Madai ni basa jayaba gibi khe bo jing khe mithi pha ri du. Boni basathu jing ja kha de, Madai ni don ni phantha mai ginyarao, Krista ni don khe phantha maipha ginyarao jing ning ja kha; Krista dukhu suguyaba ha jing masi yaowai kha de boni muima bo jing masi yaowai phalai ma se.

Saomang ni nangjaothai ha baoyaba de Madai jang nanglai ba se; bonsi Madai ni dara ha hapya, bonsi hapbo hap phuya.

Khrip jinis sangsaiyaba bo Madai ni basa thu nujao phaiyaba khe bonsi hamsi ning jonso phuya kha.

Jinis khrip sangsaiyaba buthu de duha sosibo sao gojenba ha sa jao hi hoi dada bonsi dong thihi jing tharmai du.