Lacid Bible © Bible Society of Myanmar, 2009. Recording of Lacid New Testament ℗ 2017 Hosanna

Lacid - BSM Version (NT) Non Drama

Lacid - BSM Version (NT) Drama

<div class="version vid390 iso6393lsi" data-vid="390" data-iso6393="lsi">
 <div class="book bkMAT">
 <div class="chapter ch14" data-usfm="MAT.14">
 <div class="label">14</div><div class="s">Baptisma Sara: Yohan Ri: Said Pyam Da" Khyoo:</div><div class="r">(Mar 6:14-29; Luk 9:7-9)</div><div class="p"> 1Hau: uri Galile mung" ri vhoeb ci: su:- Herod khokham" gi Aseing Yesu da" khyoo: ri shau" gyoo: lang" 2&#171;He: yug gi Baptisma sara: Yohan danghoid. Gyeing" nyang: shid: da" jang" mo doem dei to' loo eung: bye. Houg: yoomo mau" pho" alhoo: again yo" toin" shid'&#187; ga: nya: vhoo: mo moo" voin mo ri tid kyo.</div><div class="p"> 3Ciwim gari he: shid mo Herod gi nya: nhung" Philib da" yhoem: seing: myhi' Herodi yoomo Yohan ri myheig lho: thung: tei" lhung nhang: too" bye. 4Khasu" wim gari Yohan gi Herod khokham" ri &#171;hau: myiyi: ri re" yhoem: seing: myhi' koid: wa zigi atarha"&#187; ga: tid byid: nyid yoomo nghoid. 5Herod gi Yohan ri said pyam noug nghoid loug we' Yuda byumyu" yi ri gyoug yoomo avoem" said, pyam. Khasu" wim gari houg: bang: gi Yohan ri Lapi: dayug ga: zheung: loem yoomo nghoid.</div><div class="p"> 6Hau: thang: ri Herod da" khu: lo pui" koid: da" bidnyid moo Herodi da" zoomyi: zoo: gi mung" byu yi da" shed moo go" shug lang" Herod gi soo" soo" nheigloem: pyo: wigi 7Hau: zoomyi: zoo: ri &#171;Ce: noem nghoid loug we' nang mho' zi byid: wa&#187; ga: dang: byid: to".</div><div class="p"> 8Hau: da" myiyi: zoo: gi nya: myhi' joug jhoin" ziyo' dakhyoo" ti"- Baptisma sara: da" vhuloem ri he: da" bain moo akhid" kaid byid: we' ga: lo" mho'.</div><div class="p"> 9khokham" gi myid apyoo: loo: nghoid loug we' being" voo yi da" shid khoin" moo nheung" too" bye: yoomo hau: myiyi: zoo: mho' ziri byid: wa shed re" amyeing" khyo kaid bye. 10Houg: yoomo byu nhang: kaid lho: Yohan da" vhuloem ri thung: khoug: moo kho" pyam bye. 11vhuloem ri bain moo kaid ci: lho: myiyi: nu" ri byid: bye. Nyang: we hau: vhuloem ri nya: myhi' jhang khyoo ci: lo. 12Yohan da" cangzoo: yi gi Yohan da" mang ri re" yu myhoeb shoung: pyam boem. Hau: thang: ri Yesu jhang lo" tid kyo" ago".</div><div class="s"> Aseing Yesu Byu Wim: Khyeing" Ri: Byid: Zho" Da" Khyoo:</div><div class="r">(Mar 6:30-44; Luk 9:10-17; Yoh 6:1-14)</div><div class="p"> 13Yesu gi Yohan da" khyoo: shau" gyoo: lang" nyang: kyeing" lhid zhoung: lho: ci: sam: aso" da" joyoo khyoo thu' yhe: lo" da" khyoo: byu phung: yi shau" gyoo: lang" voo mo, thu' lho: tung khyoo khyo" nya: jang" moo cang yhe: lo" boem. 14Yesu gi lhid' mo tung gung khyoo lo" ri byu phung: moo" ri nyang: myang lang" nyangnu" ri nheig yu khyeig yoomo noo da" byu dangain" ri ge loo" nhang: bye.</div><div class="p"> 15Myenthang: ju" loo lang" nya: cangzoo: yi zheung: lo boem wigi &#171;he: joyoo gi ci: we ajo, da" joyoo nghoid. Moug: we coid loo bye. Byu phung: moo" yi ri voogung khyoo zoo: noem zheung: qei zoo: nhang: kaid we'&#187; ga: re" tid boem.</div><div class="p"> 16Yesu gi &#171;hid: bang: voogung khyoo loo" aca"- nanu" nyang: nyangnu" ri zoo: noem byid: ge'&#187; ga: tid.</div><div class="p"> 17Nya: cangzoo: yi we' ngoonu" zooyho' wim: loem: yo' ngoodo, eig du: date: yo" the, ga: doem tid boem.</div><div class="p"> 18Houg: lang" Yesu gi &#171;nga" jhang ci: loo ge'&#187; ga: wigi doem tid. 19Houg: lang" byu phung: moo" ri vu, fu" yoo moo zheung: zhoung: jo, nhang. Hau: thang: ri zooyho' wim: loem: yo"- ngoo: zoo: eig du: ri yu lho: wigi Moug: khyoo yu" lho: Mangso jeju" ri coung" byid. Hau: thang: ri zooyho' ri lang: phe, yu wigi nya: cangzoo: yi ri byid. Nya: cangzoo: yi gi byu phung: moo" yi ri gam, byid: ago". 20Byu dangain" mo, gi gye" gyi: shau" zo: boem thang: ri zo: teing da" adu atoem- doem koid: zheung" boem ri daxe: eig kyang daceung byeung" shi". 21Zo: da" byu- myiyi: yi yo" zooshang: mi" ri abo soin: ri zooyho' zo: da" byu yuggi za: wim: khyeing" koo: su" bo.</div><div class="s">Yesu Gyid Tho' Moo Khyoo: So"</div><div class="r">(Mar 6:45-52; Yoh 6:15-21)</div><div class="p"> 22Yesu gi Byu phung: moo" ri nhang: kaid da" uri nya: cangzoo: yi rigi lhid zhung: nhang: lho: gyid nung" goo" tab nya: shid khyoo: gu: loo" lang" nhang. 23Byu phung: moo" yi ri nhang: kaid thang: ri Akyu" mho' wa shid re" boug tho' khyoo do, lo. Myenthang: coid shoem zoo" ri houg: moo Aseing nyang: kyeing" nyid nyid. 24Hau: uri lhid gi gyid yam yo" gye" ve: da" thoem" gung moo ju" lo" nyid uri lid tau" hau: lo wigi being: moid gi hau: lhid moo lo baid nyid yoomo lhid gi moug lo" nyid.</div><div class="p"> 25Nabsoin: myo, myang yid ri Aseing Yesu gi gyid thoem" tho' khyo" cangzoo: yi jhang khyoo so" lo. 26Gyid dang moo so" lo zi nya: cangzoo: yi lhoem: myang lang" dain ziyo' &#171;thei: zigi soo" byoo danghoid&#187; ga: gyoug ziyo' lhoem: nyho: boem.</div><div class="p"> 27Yesu dalheing: dam tid zigi &#171;seing" yang" ge'- agyug goo" ngoo danghoid&#187; ga: tid.</div><div class="p"> 28Houg: lang" Petru gi &#171;Aseing nang nghoid deung rigi ngoori gyid dang khyo" re" jhang khyoo so" ri" wa amyeing" byid: we'&#187; ga: tid.</div><div class="p"> 29&#171;Ri" we'&#187; ga: Yesu tid. Houg: lang" Petru gi lhid' tho' mo gyo" lho: Yesu jhang khyoo gyid tho' khyo" so" yhe: lo. 30Nghoidloug we' ug lid ri myang lang" gi nyang: gyoug lo wigi gyid khoug: moo noeb vang lo" nyid da" uri &#171;Aseing we"- khyoid yu shi" we' o"&#187; ga: yoid nyho.</div><div class="p"> 31Houg: lang" Yesu gi nya: lo, ri Petru jhang myab myab yhoin" kaid lho: zei: wigi tid zigi &#171;loem" jeung" da" yoem: neing: su: we" ciwim wigi loem gyam nyid lha"&#187; ga: tid.</div><div class="p"> 32Nya: eig yug gi lhid' khoug: moo ju" vang loo" lang" uglid we' noem: lo" byug bye. 33Houg: lang" lhid' khoug: moo nyid da" cangzoo: yigi &#171;Nang gi Mangso da" nya: zoo: gyeung" nyang nghoid bye:&#187; ga: Nyang: ri noku boem ago".</div><div class="s">Genesared Meing: Moo Yesu Noophyoo" Gi: Nhang: Khyoo:</div><div class="r">(Mar 6:53-55)</div><div class="p"> 34Nyangnu" gyid thei: tab' gu: dab lo" boem lho: Genesared meing: moo ju" vang lo" boem. 35Houg: mo da" byu yi gi Yesu ri se' yu" boem yoomo:- noo mo, ri zheung: shu" nhang: kaid lho: noo phyoo" shau" mo, dangain" ri zheung: khe: shu" re" boem ago". 36Nya: da" byi: thang: mo da" bain: byug moo khyalhang"- shau" tain" sho' ga: re" mho' boem. Shau" tain" mo, dangain" we' noo phyoo" mo ge lo" boem.</div>
 </div>
 </div>
</div>

Hau: uri Galile mung" ri vhoeb ci: su:- Herod khokham" gi ASEING Yesu da" khyoo: ri shau" gyoo: lang" «He: yug gi Baptisma sara: Yohan danghoid. Gyeing" nyang: shid: da" jang" mo doem dei to' loo eung: bye. Houg: yoomo mau" pho" alhoo: again yo" toin" shid'» ga: nya: vhoo: mo moo" voin mo ri tid kyo.
Ciwim gari he: shid mo Herod gi nya: nhung" Philib da" yhoem: seing: myhi' Herodi yoomo Yohan ri myheig lho: thung: tei" lhung nhang: too" bye. Khasu" wim gari Yohan gi Herod khokham" ri «hau: myiyi: ri re" yhoem: seing: myhi' koid: wa zigi atarha"» ga: tid byid: nyid yoomo nghoid. Herod gi Yohan ri said pyam noug nghoid loug we' Yuda byumyu" yi ri gyoug yoomo avoem" said, pyam. Khasu" wim gari houg: bang: gi Yohan ri Lapi: dayug ga: zheung: loem yoomo nghoid.
Hau: thang: ri Herod da" khu: lo pui" koid: da" bidnyid moo Herodi da" zoomyi: zoo: gi mung" byu yi da" shed moo go" shug lang" Herod gi soo" soo" nheigloem: pyo: wigi Hau: zoomyi: zoo: ri «Ce: noem nghoid loug we' nang mho' zi byid: wa» ga: dang: byid: to".
Hau: da" myiyi: zoo: gi nya: myhi' joug jhoin" ziyo' dakhyoo" ti"- Baptisma sara: da" vhuloem ri he: da" bain moo akhid" kaid byid: we' ga: lo" mho'.
khokham" gi myid apyoo: loo: nghoid loug we' being" voo yi da" shid khoin" moo nheung" too" bye: yoomo hau: myiyi: zoo: mho' ziri byid: wa shed re" amyeing" khyo kaid bye. Houg: yoomo byu nhang: kaid lho: Yohan da" vhuloem ri thung: khoug: moo kho" pyam bye. vhuloem ri bain moo kaid ci: lho: myiyi: nu" ri byid: bye. Nyang: we hau: vhuloem ri nya: myhi' jhang khyoo ci: lo. Yohan da" cangzoo: yi gi Yohan da" mang ri re" yu myhoeb shoung: pyam boem. Hau: thang: ri Yesu jhang lo" tid kyo" ago".
ASEING

Yesu gi Yohan da" khyoo: shau" gyoo: lang" nyang: kyeing" lhid zhoung: lho: ci: sam: aso" da" joyoo khyoo thu' yhe: lo" da" khyoo: byu phung: yi shau" gyoo: lang" voo mo, thu' lho: tung khyoo khyo" nya: jang" moo cang yhe: lo" boem. Yesu gi lhid' mo tung gung khyoo lo" ri byu phung: moo" ri nyang: myang lang" nyangnu" ri nheig yu khyeig yoomo noo da" byu dangain" ri ge loo" nhang: bye.
Myenthang: ju" loo lang" nya: cangzoo: yi zheung: lo boem wigi «he: joyoo gi ci: we ajo, da" joyoo nghoid. Moug: we coid loo bye. Byu phung: moo" yi ri voogung khyoo zoo: noem zheung: qei zoo: nhang: kaid we'» ga: re" tid boem.
Yesu gi «hid: bang: voogung khyoo loo" aca"- nanu" nyang: nyangnu" ri zoo: noem byid: ge'» ga: tid.
Nya: cangzoo: yi we' ngoonu" zooyho' wim: loem: yo' ngoodo, eig du: date: yo" the, ga: doem tid boem.
Houg: lang" Yesu gi «nga" jhang ci: loo ge'» ga: wigi doem tid. Houg: lang" byu phung: moo" ri vu, fu" yoo moo zheung: zhoung: jo, nhang. Hau: thang: ri zooyho' wim: loem: yo"- ngoo: zoo: eig du: ri yu lho: wigi Moug: khyoo yu" lho: Mangso jeju" ri coung" byid. Hau: thang: ri zooyho' ri lang: phe, yu wigi nya: cangzoo: yi ri byid. Nya: cangzoo: yi gi byu phung: moo" yi ri gam, byid: ago". Byu dangain" mo, gi gye" gyi: shau" zo: boem thang: ri zo: teing da" adu atoem- doem koid: zheung" boem ri daxe: eig kyang daceung byeung" shi". Zo: da" byu- myiyi: yi yo" zooshang: mi" ri abo soin: ri zooyho' zo: da" byu yuggi za: wim: khyeing" koo: su" bo.


Yesu gi Byu phung: moo" ri nhang: kaid da" uri nya: cangzoo: yi rigi lhid zhung: nhang: lho: gyid nung" goo" tab nya: shid khyoo: gu: loo" lang" nhang. Byu phung: moo" yi ri nhang: kaid thang: ri Akyu" mho' wa shid re" boug tho' khyoo do, lo. Myenthang: coid shoem zoo" ri houg: moo ASEING nyang: kyeing" nyid nyid. Hau: uri lhid gi gyid yam yo" gye" ve: da" thoem" gung moo ju" lo" nyid uri lid tau" hau: lo wigi being: moid gi hau: lhid moo lo baid nyid yoomo lhid gi moug lo" nyid.
Nabsoin: myo, myang yid ri ASEING Yesu gi gyid thoem" tho' khyo" cangzoo: yi jhang khyoo so" lo. Gyid dang moo so" lo zi nya: cangzoo: yi lhoem: myang lang" dain ziyo' «thei: zigi soo" byoo danghoid» ga: gyoug ziyo' lhoem: nyho: boem.
Yesu dalheing: dam tid zigi «seing" yang" ge'- agyug goo" ngoo danghoid» ga: tid.
Houg: lang" Petru gi «ASEING nang nghoid deung rigi ngoori gyid dang khyo" re" jhang khyoo so" ri" wa amyeing" byid: we'» ga: tid.
«Ri" we'» ga: Yesu tid. Houg: lang" Petru gi lhid' tho' mo gyo" lho: Yesu jhang khyoo gyid tho' khyo" so" yhe: lo. Nghoidloug we' ug lid ri myang lang" gi nyang: gyoug lo wigi gyid khoug: moo noeb vang lo" nyid da" uri «ASEING we"- khyoid yu shi" we' o"» ga: yoid nyho.
Houg: lang" Yesu gi nya: lo, ri Petru jhang myab myab yhoin" kaid lho: zei: wigi tid zigi «loem" jeung" da" yoem: neing: su: we" ciwim wigi loem gyam nyid lha"» ga: tid.
Nya: eig yug gi lhid' khoug: moo ju" vang loo" lang" uglid we' noem: lo" byug bye. Houg: lang" lhid' khoug: moo nyid da" cangzoo: yigi «Nang gi Mangso da" nya: zoo: gyeung" nyang nghoid bye:» ga: Nyang: ri noku boem ago".


Nyangnu" gyid thei: tab' gu: dab lo" boem lho: Genesared meing: moo ju" vang lo" boem. Houg: mo da" byu yi gi Yesu ri se' yu" boem yoomo:- noo mo, ri zheung: shu" nhang: kaid lho: noo phyoo" shau" mo, dangain" ri zheung: khe: shu" re" boem ago". Nya: da" byi: thang: mo da" bain: byug moo khyalhang"- shau" tain" sho' ga: re" mho' boem. Shau" tain" mo, dangain" we' noo phyoo" mo ge lo" boem.

להקשיב ל MATHE 14