Roma 3
3
1Agalihini ti Yudei Alufajak ta anyio? Kuyya, owon ti obo ayiji jio aboso? 2Aafe, ara ihuo nyia te ekotia 'daŋ! Nyio, ahosiere do, isiarak nyia Hollum asayyo honyi jio Yudei. 3Buo alla abeŋi omuk hulosi ogottierek asayyo Hollum hunia; itahutak ati inyi jio, obeŋ adi Hollum ogottiere ekenita honyi? 4Obeŋ 'tuŋ! Duadi bu ogesemi aati 'daŋ, arasa Hollum ikiana ahode hode, ihuo igioroni ibuk Honyi jio;
“Ijiara luŋa ekiana hoi itahutak abisan hoi.
Elle itiwwahie iyye, ijiara luŋa omijani jio ibis iyye.”
5Ejio adi anyio elle itahutani epalita hohoi jio obisi ehanita Hollum? Eremik ti jiaran jio, ipal Hollum elle ettigemio inyi hohoi? (Ekiana ni jihatai ihuo atulo.) 6Obeŋ 'tuŋ! Alla abeŋ duo aŋocio Hollum obis, oremik duo inyi aŋai iŋot eram waati 'daŋ?
7Buo elle iyaŋuno agesemi hoŋ akuatan jio Hollum te etahutana honyi 'tel 'tel elahode Hollum, nyioti arasai iŋotonia jihoŋ eyyau? 8Nyioti ebeŋ ejio jio, “Héyyauna oŋida iyaŋuno ayiji”? Hode, ittarrohojie omuk aati afure hoŋ te etisiahina hosi nani jio, ekenita hoŋ luŋa hunia! Osiru luŋa aŋotonia epali jihosi.
Obeŋ obo Abisani
9Anyio 'tadi? Egalik ti hohoi Yudei Alufajak ta anyio? Obeŋ riŋ!#3:9 Egalik ti hohoi Yudei Alufajak ta anyio? Obeŋ riŋ! : kuyya orroho ti inyi jihoi agalik Alufajak? Obeŋ 'daŋ. Eramak duo ni itai jio, owoni Yudei 'daŋ arabotie iko Alufajak igolon ono eyyau. 10Ihuo igioroni Ibuk Hollum jio,
“Obeŋ obo ollo obis 'to,
11obeŋ obo elle ilofioro 'to,
kuyya elle itahabuyo Hollum.
12Ayitoni aati 'daŋ Hollum oruoŋitek.
Ipali isi 'daŋ;
obeŋ obo, ara duadi bu abotie, elle ihanio 'to onno oyyu.
13Ifut enyobio onno orroho 'to bebe ihutuhe hosi.
Ottutta agesemi onno orroho 'to ta ŋadiafa hosi;
buo fe eyeri munu ottutta to hutuhe hosi.
14Ifuti etuhe hosi iko epitita hunno oduari 'to 'tek 'tek.
15Itawahai ahuattek hosi iriafuniere iko ittohori atulo.
16Idiaharai isi arrohoji iko ettigemio jio amasik 'daŋ hunno ofuarik isi.
17Otimoi isi amanya te nelik tajia.
18Obeŋi atajia hosi abaŋi Hollum.”
19Ihuania, emijak jiojio, ikianai erre 'daŋ hunne igioroni Ifahita, to hia, hulla amanyai te Efahita jio, oŋida obo atulo obeŋ owon iko obo eliet. Tania, oŋot adi Hollum eram tulo 'daŋ ta fau. 20Nyio, to hosiere Hollum, obeŋ tulo ara a habisani te ehanio hirre hunna awahi Efahita. Nyio, Efahita itamijanani hohoi eyyau.
Aŋai Itabisani Hohoi iko Hollum
21Ati ihuania, italeyehini ekoi enne ihananiere Hollum aati ahabisak, buo obiaŋara te Efahita; duadi bu arai Efahita iko ekianak Hollum asuuti honyi. 22#Gal 2:16Itabisak Hollum aati te eruk hosi jio Yesu Kristo. Ihan inyi ariŋ ania jio aati 'daŋ hulle iruhi 'to jio Kristo, nyio, obeŋ obo alufaji owon ihiji waati. 23Iyyauni aati 'daŋ, ania, alamajak akuatan Hollum isi 'daŋ. 24Ati te esiorio ono ayiji taji Hollum, itabisani isi 'daŋ to Kristo Yesu, elle italahu 'to isi. 25-26Isio nyia Hollum inyi irari ehumi, to nooto honyi#3:25-26 to nooto honyi : kuyya ta naye honyi ono esiorio., oŋida ohohini eyyata waati, te neruk hosi jihonyi. Ihan nyia Hollum ihuo nyia, itahutaniere abisan honyi. Nyio, nyia berien odik nyia inyi aati, buo fe ibasata eyyata hosi. Ati jio oŋitek huno ahana, ittallik Hollum ibasana eyyata waati; nyio, awak inyi itahutana abisan honyi. Te ekoi ania, itahutak Hollum jio, inyi ta ahuan honyi, abis inyi buo fe jio, eyaŋuno inyi abisan jio aati 'daŋ hulle iruhi 'to jio Yesu.
27Eremik ti itadara te eram nyio? Obeŋ nyio! Nyioti etadara? Ara ti inyi ta aniŋio Efahita? Obeŋ, etadara te eram ono neruk. 28Nyio, eruk jiojio, itabisani atulo jio Hollum te eruk, buo obiaŋara ta aniŋio hirre hunno ojiori efahita. 29Ara soho Hollum a Hollum olo Yudei hama? Obeŋ soho inyi buo fe ara a Hollum olo Alufajak? Aafe, ara buo fe inyi aholosi. 30Owon Hollum abotie. Inyi adi ihanak Yudei ahabisak to hosiere honyi te neruk hosi; buo fe itabisak Alufajak te neruk hosi. 31Itahutak ti ania jio, etapuak Efahita te neruk? Obeŋ 'tuŋ! Ati, etagol atibuo efahita.
હાલમાં પસંદ કરેલ:
Roma 3: EA2003
Highlight
નકલ કરો
Compare
શેર કરો
Want to have your highlights saved across all your devices? Sign up or sign in
© The Bible Society in South Sudan 2003
