Roma 13
13
Haniŋiete Elettaha Gala
1Ijiara aati 'daŋ oniŋie luŋa elettaha gala nyio, obeŋ obo elohittok owon buo Hollum obeŋ aŋatak. Hollum ihanak hia 'daŋ, hulle ilohittohi 'to ihuania. 2Tania, hia hulle ihari 'to gala hula ahana, ihari buo fe isi erre hunne ihanak Hollum. Lia, elle ihan 'to ihuo nyia, iyaŋuno adi inyi aŋocio hiram ihuan honyi. 3Nyio, obeŋi elettaha ittarrohojie aati hulle ihanie 'to onno oyyu, ati jio hulle ihanie onno orroho. Iwahata ti itai itoŋo onno oyyu iko elettaha? Ihaniete ti onno oyyu, omunoi adi isi itai; 4nyio, isi egiamak Hollum hulle igiamai 'to iyaŋuniere ayiji jihatai. Buo elle ihaniete itai onno orroho, abaŋata isi, nyio, owoni isi luŋa iko agolon ittigemiere. Arai isi ahegiamak Hollum hulle iyaŋunie 'to ettigemio Hollum jio aati hulle ihanie 'to onno orroho. 5Tania, oniŋiete luŋa elettaha, obiaŋara ta abaŋi ijiai ono ettigemio Hollum, ati te egigilo hatai jio obis ehanio ihuo nyia.
6 #
Mat 22:21; Mar 12:17; Luk 20:25 Inyi eram ania buo fe, enne edumatti itai amusuru, nyio, igiamai elettaha hulia jio Hollum elle ihanie isi egemita hosi hunia. 7Odumana luŋa jihosi erre hunna arai 'to a hunosi. Odumati amusuru 'daŋ, hunatai iko huno asaŋ hatai 'daŋ. Abaŋata luŋa elettaha 'daŋ.
Itabuarata Atajia jio Aati Hullomuk
8Hèwanata iko ahoros obo atulo, ati ijiara luŋa abuaran taji owon ihiji hatai. Nyio, lia, ollo obuor ataji honyi onyihari honyi, oniŋio buo fe inyi Efahita. 9Efahita hunno ojiori 'to jio, “Hèhanio erre somon, hèttoho, hèhoholio, hèdaya ariŋ obo:” attubai isi 'daŋ iko hunnomuk jio efahi ana, “Itabuara ataji jio onyihari hoi ihuo onno obuarari inyi ahuan hoi.” 10Elle itabuor iyye ataji jio aati hullomuk, ittallik iyye ihanio onno orroho jihosi; nyio, etabuorio taji, inyi ara aniŋio ono Efahita 'daŋ.
11Ihaniete luŋa ariŋ ania, nyio, imijana itai jio, attu nasaa enne ihenyuniette itai to joto. Ihuania, iliaha luŋa bebe asaa onno ofuarik italahuniere hohoi agalik ninyia eruhori tetteri. 12Iliaha arue atuho, iliaha amotie afaŋan. Hédehina ehanio hirre huno edumele, heduhuna erremiti irriomori to noloŋ. 13Hamanyati onno oyyu ihuo aati hullo owoni 'to ifaŋan holoŋ. Hèlaha emanya ta agarihien huno arumatio iko ehanita hirre somon, ta asomon kuyya ta asilara, ta aŋalafa kuyya ta ahaini. 14Ati ijiara Yesu Kristo, Lamonye, hétera abuhu hatai. Hèŋatana obo ekoi jio ahuattek hatai ihaniere ewahiti hosi.
હાલમાં પસંદ કરેલ:
Roma 13: EA2003
Highlight
નકલ કરો
Compare
શેર કરો
Want to have your highlights saved across all your devices? Sign up or sign in
© The Bible Society in South Sudan 2003
