Roma 1
1
1Ani alia Paulo, egiamani Yesu Kristo, linyia onyimu Hollum irari elefahata elle iloŋuni ittittoyere Asayyo Ayijok huno Hollum.
2Ocorok nyia Hollum Asayyo hunia many berien te etuhe hekianak honyi ihuo igioroni Ibuk honyi Elibo. 3Arai Asayyo hunia to Lonyi honyi Yesu Kristo, Lamonye hohoi. Ara inyi atulo, ta adetuno honyi to woyo Dafide. 4Ta attuna honyi jio Hollum iko ta alibori honyi, itahutani jio ara inyi Lonyi Hollum ta aduaran onno obolo 'to ninyia itubuhunierek inyi toye. 5Tenyi, etasiru ani Hollum amiji irari elefahata, iyaŋuniere aniŋio iko eruk jio aati hutta fau 'daŋ te eram Kristo. 6Ara buo fe eram ania tetai, hutto Roma, hulle iloŋu Hollum irari a hulo Yesu Kristo.
7Ania, egiorori ni jihatai 'daŋ hutto Roma hullo obuor ataji Hollum, buo fe inyi iloŋu itai irari awaati honyi:
Ijiara Hollum Monye hohoi iko Yesu Kristo, Lamonye, isiarani jihatai ayiji taji iko elik tajia.
Amojo ono Esiarana Ahumo
8Ahosiere, esiarak ni ahumo jio Hollum hoŋ, ta afure Yesu Kristo tetai 'daŋ, nyio itayiru afau 'daŋ eruk hatai. 9Ara Hollum asuut hoŋ, Hollum elle egiama ni jihonyi ta ataji hoŋ 'daŋ, te ettittoyo hoŋ Asayyo Ayijok huno Lonyi honyi. Omijak inyi jio, adulo ni agilutta itai, 10alla amojo ni. Amojo ni jio alla ara awahan Hollum, ijiara inyi aŋatak ani ilari imijuniere itai ihuania. 11Nyio, awak atua hoŋ bebe igonyuna itai, oŋida bati nani eyaŋuno jihatai esiorita huno Oloholio Hollum itagoliere itai. 12Ajiaran ania jio, eluahi adi nani ikatai arabotie, nyio, itagol adi eruk hoŋ itai, buo fe anatai itagol nani.
13 #
Ehanita 19:21
Illarak iko haniyarak hoŋ, omijana jio: enyiahita arriai, egigilo nyia ni ittuniere jihatai, ati itihotio nani obo ariŋ oŋitek 'daŋ ihaniere ihuo nyia. Awak buo fe ni iloit omuk tehiji hatai aheruhok ihuo ehan ni ihiji Lufajak hullomuk. 14Ara egiama hoŋ ta aati bore gala iko hutto miji, hulle iheni 'to iko hullo obeŋi 'to iheni. 15Tania, awak buo fe atua hoŋ bebe ittittoyo Asayyo Ayijok jihatai, aati Roma.
Agolon ono Asayyo Ayijok
16 #
Mar 8:38
Abeŋ ni luŋa eloriri te eram ono Asayyo Ayijok! Ekoi ono agolon Hollum ania, enne italahunierek aati 'daŋ hulle iruhi 'to. Aati Yudei do ahosiere attati buo fe Alufajak. 17#Habakuk 2:4Nyio, itahutani Asayyo Ayijok aŋai itabisak Hollum aati ajihonyi. Ara inyi te eruk ijiai, ihuo igioroni Ibuk Hollum jio, “Isu adi luŋa atulo elle itabisani jio Hollum te neruk.#1:17 Isu adi luŋa atulo elle itabisani jio Hollum te neruk : kuyya atulo elle itabisani jio Hollum, isu adi inyi te neruk.”
Epalita Tulo
18Italeyehi Hollum ajore honyi tedou jio aati 'daŋ eyyak iko epalak, hulle itihotie 'to elahode jio aati te ekotia hosi hunno orrohoji 'to. 19Ittigemio Hollum isi, nyio, omijani isi eram Hollum 'daŋ; nyio, itahutak nyia Hollum, ta ahuan honyi, jihosi erre hunia sar sar. 20Many berien ninyia oyyeuniere Hollum nedou iko nafau, oremehini aati mijana 'tel 'tel jio obeŋ agolon honyi otuhoro, buo fe jio ara inyi hode Hollum. Oremehini aati imijana erre hunia, te erre 'daŋ hunyia oyyeu inyi. Tania, obeŋ obo eliet jihosi 'tuŋ! 21#Efe 4:17-18Omijani isi Hollum, ati obeŋi isi abaŋi inyi ihuo Hollum buo fe obeŋi isiori jihonyi ahumo. Ati obeŋi luŋa egigilita hosi obisi, itiriohi buo fe ossi hosi hunno orrohoji 'to hunia. 22Ojiori isi jio elofioro isi, ati obeŋi isi ossi. 23#Edasita 4:16-18Idehini isi etahabuyo Hollum elle isu 'to 'tulaŋ, buo ette ihuhumuna arrijiorita hirre hunno oremehini 'to ye, hunne iyyaluni atulo, kuyya aheny, kuyya aciaŋi, kuyya asaŋ hunno oretiai 'to retia, ette itahabuyo isi.
24Tania, obusak nyia Hollum isi hétehaniehe erre hunne iboti 'to hunia ihuo awahi atajia hosi, nyio, obeŋi isi ossi. Ihanie isi erre somon jio ahuattek hosi isi hama. 25Iloiti isi nelahode ono Hollum agesemi, ette itahabuyo buo fe igiamai jio erre hunno oyyeu Hollum, buo idehini Layyani ollo ojiori oŋida itahabuye 'tulaŋ 'tulaŋ! Amen.
26Te ehanio hosi erre hunia, inyi onno obusaniere Hollum isi jio esomiti hunia. Abalarik aŋoruo hosi ahuattek iko aŋoruo ihuo isi, buo idehini ekoi onno oyyehiniere Hollum isi. 27Ihuo nyia buo fe idehini aliawa aŋoruo buo abalarik ahuattek hosi. Ihanie isi erre somon jio ahuattek hosi isi hama, tania, iyaŋunie isi jio ahuattek hosi ettigemita hunno osiruni 'to te epalita hosi hunia.
28Te ehara hosi eram Hollum, inyi onno obusaniere Hollum isi jio ossi hosi hunno omuyahi 'to hunia; oŋida isi ihanie erre hunno obeŋi 'to osiruni jihosi ihaniere. 29Ottubai awoi hirre 'daŋ hunno orrohoji 'to jihosi; erre ihuo eyyau, eŋaru buo, epal. Jihosi, ifut ahaini, attohio waati, aŋalafa, enyobio, iko etarrohojio huattek. Arai isi ahamuaŋak 30buo fe ittarrohojie afureta hosi isi hama. Oliwarik isi Hollum buo fe arai a hetadarak#1:30 Oliwarik isi Hollum buo fe arai a hetadarak : kuyya, Oliwara isi Hollum buo fe arai ahetadarak., ahakafak huattek, ahatifiak hirre arrohojak iko ahamiosok hesiok hosi. 31Obeŋi ossi jihosi, buo fe obeŋi ogottierek elamita hosi. Obeŋ abuaran taji kuyya amehino jihosi. 32Omijani isi jio ojiori efahita Hollum jio, aati hulle ihanie 'to erre hunia, osiru naye jihosi. Obeŋi isi ihanie erre hunia ijiai, ati omunoi buo fe isi hia, hulle ihanie 'to erre hunia.
હાલમાં પસંદ કરેલ:
Roma 1: EA2003
Highlight
નકલ કરો
Compare
શેર કરો
Want to have your highlights saved across all your devices? Sign up or sign in
© The Bible Society in South Sudan 2003
