YUDA 1
1
1 #
Mat 13:55; Mar 6:3 Ani alia Yuda, egiamani olo Yesu Kristo, buo fe ara ella Yakobo.
Egiorok ni jio hia hulle iloŋu Hollum, hullo obuor atua Hollum Monye, buo fe Yesu Kristo ottoŋotio isi.
2Ijiara namehino iko nelik taji buo abuaran tajia odulori afuanatta jihatai.
Ettiyanak Enyabak
3Illarak iko haniyarak hoŋ, awak nyia ni bebe igioronia jihatai eram ono etalahuno onno owon 'to jihoŋ ikatai. Ati, egigilo ni ijiara tibuo luŋa ani egiorok jihatai itagoliere itai, oŋida isiyete neruk ninyia isiarak Hollum jio aati honyi enyiahi abotie ijiai. 4Ilunyani omuk amiosok Hollum ihiji hohoi, aati hulle itabahasi 'to asayyo huno ayiji taji Hollum oŋida ara eliet somon hosi. Isi hulia, aati hunyia ikilu Abuk Hollum many berien jio, ofuoi adi itamuhina. Ihari isi Yesu Kristo, alla ara 'to hama Elettok iko Lamonye hohoi.
5Duadi bu imijana itai erre hunia 'daŋ, awak ni hèlaha itai iguotti aŋai nyia italuahu Lamonye#v:5 Lamonye : Igioroni omuk egierita jio, Yesu, onno orriama iko Yosua te ekiana Grik aati Israele ta fau Masir, buo ihalu ette ittohoro hinyia obeŋi 'to owoni iko neruk. 6Ogiluna buo fe eram ajilohien hinyia itillaŋari 'to elohittok ninyia isiori jihosi, ette ibusuno amaji onno osiru jihosi imanyari. Ifitak nyia Hollum isi, imaji dumele enne iriok 'tir 'tir, ta aririk hunno osioi 'to 'tulaŋ, amaji enne ihananiere inyi isi many jio Oloŋ enne ittokon, onno ofuarik iŋotoniere jihosi epali. 7Ogiluna buo fe eram Sodom iko Gomora buo aborejin gala hutteger hosi. Ihanie nyia buo fe aati hosi erre somon iko epalita arriai ihuo ajilohien hulia. Ittigemie nyia isi te eema onno osio 'to 'tulaŋ; ara ania esarit jio aati 'daŋ.
8Ihuo nyia buo fe, arai aati hulle ekiana ni hulia, ihuo aati hunyia irigiai 'to, ette iyyauna te ehanio hirre somon ihuattek hosi. Ihari nyia isi elohittok Hollum ette buo fe imorio ajilohien. 9#Eta 12:7Duadi bu Mikelele ajilo elle ittokon, obeŋ nyia omor Sittan to ninyia aŋalafarik isi te eram ono ahuan Mose. Ati ojio nyia jihonyi jio, “Ijiara Lamonye iriŋ iyye!” 10Ati omorie aati hulia erre 'daŋ hunno otimoi isi. Arai isi ihuo aciaŋi hunno obeŋi 'to owoni iko egigilo, ihanie isi erre asai asai. Ehanita hosi hunia tibuo iyaŋunie jihosi arrohoji. 11Orroho adi bebe jihosi! Nyio, ijifatie isi ekoi ninyia tono Kaino. Te eram gurusi, aruasani isi ahuattek hosi ihaniere epali ihuo ono Balaam. Ania, otuhierek isi te eram mesio ihuo Kora. 12Omuyahi ossi aati hulia. Te ehanita hosi hunno omuyahi 'to buo fe aŋariji, ittarrohoji isi aŋiyo heruhok enne iŋiyete itai arabotie. Arai isi ihuo edohuo hunno ohutuno oyyami, buo obeŋi itasauni hide. Arai isi ihuo ayyani hunno obeŋi 'to oŋiji alla alum ayafa onno oŋijarik isi. Ayei isi, nyio, arutuni isi addi. 13Arai isi ihuo apoŋia poŋia hari enne ittokon, enne ifiriwa 'to. Ayafutai ehanita hosi hunna aŋariji 'to hunia ihuo olobou hari. Arai isi ihuo elelefi hunne isiabitai 'to. Ihuhumak Hollum 'tulaŋ jihosi amaji idumele enne iriok 'tir 'tir.
14Isi erre hunia hunyia ikilu Enok, etahattarihi hohonyiok elle ehenuno jio Adam; to ninyia ojiari inyi jio, “Imijiete, ottu adi Lamonye iko alif arriai ono ajilohien honyi aliborok, 15iŋociere eram waati 'daŋ. Oŋotok adi inyi jihosi 'daŋ epali te eram ono arrohojita hunne ihani isi jio Hollum, iko te eram imoriti 'daŋ hunne ittarrohojierek isi afure honyi!”
16Isi hulia, aati hullo odulori 'to eŋuŋunita iko arrosotia epalita jio aati hullomuk, buo fe ijifatie ewahiti hosi hunno orrohoji 'to. Itahuoroi isi, isi hama buo fe itayijie etuhe jio aati hullomuk irumaniere erre hunna awahi isi.
Esariti iko Ettiyenita
17Ati, illarak iko haniyarak hoŋ, ogiluttati esariti hunyia iramani lefahat hulo Lamonye hohoi Yesu Kristo, jihatai. 18Ojiori nyia isi jihatai jio, “Jio oŋitek esidita, ofuonni adi aati, etabuyaŋak hatai iko Hollum. Isi hulia, aati hulle ijifatie 'to ewahiti hosi hunno orrohoji 'to.” 19Isi hulia, aati hulle iyaŋunie 'to ebubuanya, hulle ijifatie 'to ewahiti huattek hosi, buo fe obeŋi owoni iko Oloholio. 20Buo jihatai, illarak iko haniyarak hoŋ, oduloro ehuhumio ahuattek hatai te neruk enne isiarak Hollum jihatai. Omojoti ta agolon ono Loholio Olibo. 21Oduloro awanan iko abuaran taji Hollum, buo itilati Lamonye hohoi Yesu Kristo. Isiarak adi inyi jihatai nesu onno osio 'to 'tulaŋ, ta amehino ottononyi.
22Omehiniete jio hullo okuayai 'to. 23Italuahuna aati hullomuk to hima; buo jio hullomuk, omehiniete ta agenyan. Ati ihara aboŋojin hosi hunne itiboti eyyata hosi huno asomon.
Emojit Etahui
24Hollum hama oremik itik itai iyyauniere, ette italibo itai, ette itamuno itai to hosiere kuatan honyi. 25Itahabuyete Hollum etalahani hohoi to Yesu Kristo, Lamonye hohoi. Many tetteri fau iko ihuania, hatawana akuatan, olohuo, agolon, iko elohittok jio Hollum hama, 'tulaŋ, 'tulaŋ! Amen.
હાલમાં પસંદ કરેલ:
YUDA 1: EA2003
હાઇલાઇટ
નકલ કરો
તુલના કરો
શેર કરો
શું તમે તમારા બધા ઉપકરણો પર તમારા હાઇલાઇટ્સ સાચવવા માંગો છો? સાઇન અપ અથવા સાઇન ઇન કરો
© The Bible Society in South Sudan 2003