Ehanita Lefahat 25
25
Ijulum Paulo jio Hobu elle Ittokon
1Ihalu oŋitek hunihoi, ninyia afany Festo jio aŋati afau ania, ette inyi leten to Cesaria many Yerusalem. 2Diya, ette ehumak elettaha iko elettaha Yudei itisiahina Paulo jihonyi. Attanai nyia isi inyi 3oŋida ihan onno oyyu jihosi isuluniere Paulo Yerusalem, nyio, iwwahuni nyia isi irraduniere inyi tekoi, ette ifadara. 4Itarraŋ nyia Festo jiojio, “Paulo elle ifitani Cesaria. Acaharu adi ni diya kuak ta ahuan hoŋ. 5Ijiara elettaha hatai efuo ikoŋ Cesaria oŋida isi ofuoi itisiahina inyi, elle ihan inyi obo epali.”
6Inyiak nyia Festo itoŋonia Yerusalem omuk oŋitek hottohunik kuyya 'tomon attati leten Cesaria. Jio ebotie holoŋ, ette inyi itoŋo ilokikoi ahaŋotoni hiram, ette iramana ijiara iyaŋunie Paulo. 7Ninyia afany Paulo, ette Yudei hunyia ofuonni 'to to Yerusalem iwotia iger honyi, ette itisiahina inyi erre arriai hunno orrohoji 'to, buo ittallihi itahutana nelahode ono etisiahita hunia. 8Ati ifayo nyia Paulo ahuan honyi jio, “Abeŋ ni ehan obo epali jio efahita Yudei, kuyya jio Aaji emojit enne ittokon, kuyya buo fe jio Hobu Roma elle ittokon.”
9Ati awak nyia Festo itamuno Yudei; ania, ifiyere inyi Paulo jio, “Iruk adi iyye aleten Yerusalem, buo ni alo iŋot etisiahita huna teya?”
10Ati itarraŋ nyia Paulo jio, “Ihuania, awotia ni ihosiere lokikoi Hobu elle ittokon; amaji onno oŋocierek duo luŋa eram hoŋ. Ihuo ihum iyye imijana, habeŋ ni ehan obo epali jio Yudei. 11Alla amesio ni efahita, buo fe ehan obo epali onno osiru iŋotoniere jihoŋ aye, abeŋ ni attifia obo erisi. Buo alla abeŋi etisiahita hosi hunia arai hode, obeŋ adi tulo oremik isiarana nani ihas hosi. Ejulum ni jio Hobu elle ittokon.” 12Ninyia ikenuni Festo iko esiŋak honyi, ette inyi itarraŋ Paulo jiojio, “Ijulum iyye jio Hobu elle ittokon, tania, ilo jio Hobu elle ittokon.”
Itiwwahie Paulo Ihosiere Agripa iko Bernis
13Ihalu omuk oŋitek, ofuonni nyia Hobu Agripa iko Bernis Cesaria irraŋuniere Festo. 14Ninyia atuhi isi oŋitek arriai diya, ette Festo ikukubonia eram Paulo jio hobu, Agripa jiojio: “Owon obo latulo dini, linyia idiaharu Felice ibabus. 15Ninyia alo ni Yerusalem, itisiahini nyia ehumak elettaha inyi, isi iko lahou. Attanai nyia isi nani jio ijiara nani aŋotok jihonyi epali. 16Ati eramak nyia ni isi jio, ebeŋ hohoi aati Roma esiorio atulo jio etisiahak honyi; hobeŋ inyi ikiana ihosiere etisiahak honyi, buo fe oremik ifauna ahuan honyi jio etisiahita hunia. 17Ninyia afuonni isi dini, abeŋ nyia ni elliŋiahi. Ati jio ebotie holoŋ, ette ni itoŋo ilokikoi ahaŋotoni hiram, ette ni iramana oŋida iyaŋunie atulo alia. 18Ninyia adiotoi etisiahak honyi ahide, obeŋi nyia isi itisiahini inyi to omuk erre hunno orrohoji ihuo egigilo nyia ni. 19Ati itarisai nyia isi ikonyi te eram Imojiti hosi iko te eram obo atulo alla anya Yesu linyia laye 'to, buo Paulo ojio hesu. 20Abeŋ nyia ni amijak aŋai adi ettittifu ni awoyo hirre huna. Ania, efiyere ni Paulo kuyya elle iruk inyi aleten Yerusalem oŋida ofuoi iŋot eram ono etisiahita huna teya. 21Ati ijulum nyia Paulo jio ijiara inyi arasa ibabus many oŋociere Hobu elle ittokon eram honyi. Ania, eramaniere ni jio ijiara inyi arasa ibabus many efahiniere ni inyi jio Hobu elle ittokon.”
22Attati Agripa jiaran jio Festo, “Awak ni itayiruna ekiana atulo alia ta ayyaha hoŋ.”
Itarraŋ nyia Festo ojio, “Itayiru adi jihonyi motie.”
23Jio ebotie holoŋ, ofuonni nyia Agripa iko Bernis to olohuo; ette isi iko akumudali buo elettaha abore gala ania ijiŋana itua haji anna alat onno ottubarik aati. Attati Festo iramana eram, ette iyaŋuno Paulo. 24Attati Festo jiaran, “Hobu Agripa, ikatai 'daŋ hulle iwanata 'to ikohoi dini: Igonyuna, atulo lia olo, elle itisiahini aati Yudei 'daŋ hullo owoni 'to dini iko hutto Yerusalem, jihoŋ. Ohosohitai nyia isi 'daŋ jiojio ijiara luŋa ottohori inyi. 25Ati abeŋ nyia ni anyurak obo epali jihonyi enne itasiru 'to aŋotonia ye jihonyi. Ati inyi nyia ta ahuan ijulum jio Hobu elle ittokon, ette ni iŋatana inyi hetelo. 26Ati abeŋ ni amijak egiorok adi ni anyio hirre jio Hobu elle ittokon tenyi. Ihuania, eyaŋuno ni inyi jihatai, agalik tibuo jihoi hobu, Agripa. Oŋida bati nani egiorok obo ariŋ, elle etuk ittittifuna eram honyi. 27Nyio, egigilo ni obeŋ oyyu elle ifak atulo babus ihuo olo jio Hobu elle ittokon buo ebeŋ etahutak epalita hunne ihan inyi.”
હાલમાં પસંદ કરેલ:
Ehanita Lefahat 25: EA2003
Highlight
નકલ કરો
Compare
શેર કરો
Want to have your highlights saved across all your devices? Sign up or sign in
© The Bible Society in South Sudan 2003
Ehanita Lefahat 25
25
Ijulum Paulo jio Hobu elle Ittokon
1Ihalu oŋitek hunihoi, ninyia afany Festo jio aŋati afau ania, ette inyi leten to Cesaria many Yerusalem. 2Diya, ette ehumak elettaha iko elettaha Yudei itisiahina Paulo jihonyi. Attanai nyia isi inyi 3oŋida ihan onno oyyu jihosi isuluniere Paulo Yerusalem, nyio, iwwahuni nyia isi irraduniere inyi tekoi, ette ifadara. 4Itarraŋ nyia Festo jiojio, “Paulo elle ifitani Cesaria. Acaharu adi ni diya kuak ta ahuan hoŋ. 5Ijiara elettaha hatai efuo ikoŋ Cesaria oŋida isi ofuoi itisiahina inyi, elle ihan inyi obo epali.”
6Inyiak nyia Festo itoŋonia Yerusalem omuk oŋitek hottohunik kuyya 'tomon attati leten Cesaria. Jio ebotie holoŋ, ette inyi itoŋo ilokikoi ahaŋotoni hiram, ette iramana ijiara iyaŋunie Paulo. 7Ninyia afany Paulo, ette Yudei hunyia ofuonni 'to to Yerusalem iwotia iger honyi, ette itisiahina inyi erre arriai hunno orrohoji 'to, buo ittallihi itahutana nelahode ono etisiahita hunia. 8Ati ifayo nyia Paulo ahuan honyi jio, “Abeŋ ni ehan obo epali jio efahita Yudei, kuyya jio Aaji emojit enne ittokon, kuyya buo fe jio Hobu Roma elle ittokon.”
9Ati awak nyia Festo itamuno Yudei; ania, ifiyere inyi Paulo jio, “Iruk adi iyye aleten Yerusalem, buo ni alo iŋot etisiahita huna teya?”
10Ati itarraŋ nyia Paulo jio, “Ihuania, awotia ni ihosiere lokikoi Hobu elle ittokon; amaji onno oŋocierek duo luŋa eram hoŋ. Ihuo ihum iyye imijana, habeŋ ni ehan obo epali jio Yudei. 11Alla amesio ni efahita, buo fe ehan obo epali onno osiru iŋotoniere jihoŋ aye, abeŋ ni attifia obo erisi. Buo alla abeŋi etisiahita hosi hunia arai hode, obeŋ adi tulo oremik isiarana nani ihas hosi. Ejulum ni jio Hobu elle ittokon.” 12Ninyia ikenuni Festo iko esiŋak honyi, ette inyi itarraŋ Paulo jiojio, “Ijulum iyye jio Hobu elle ittokon, tania, ilo jio Hobu elle ittokon.”
Itiwwahie Paulo Ihosiere Agripa iko Bernis
13Ihalu omuk oŋitek, ofuonni nyia Hobu Agripa iko Bernis Cesaria irraŋuniere Festo. 14Ninyia atuhi isi oŋitek arriai diya, ette Festo ikukubonia eram Paulo jio hobu, Agripa jiojio: “Owon obo latulo dini, linyia idiaharu Felice ibabus. 15Ninyia alo ni Yerusalem, itisiahini nyia ehumak elettaha inyi, isi iko lahou. Attanai nyia isi nani jio ijiara nani aŋotok jihonyi epali. 16Ati eramak nyia ni isi jio, ebeŋ hohoi aati Roma esiorio atulo jio etisiahak honyi; hobeŋ inyi ikiana ihosiere etisiahak honyi, buo fe oremik ifauna ahuan honyi jio etisiahita hunia. 17Ninyia afuonni isi dini, abeŋ nyia ni elliŋiahi. Ati jio ebotie holoŋ, ette ni itoŋo ilokikoi ahaŋotoni hiram, ette ni iramana oŋida iyaŋunie atulo alia. 18Ninyia adiotoi etisiahak honyi ahide, obeŋi nyia isi itisiahini inyi to omuk erre hunno orrohoji ihuo egigilo nyia ni. 19Ati itarisai nyia isi ikonyi te eram Imojiti hosi iko te eram obo atulo alla anya Yesu linyia laye 'to, buo Paulo ojio hesu. 20Abeŋ nyia ni amijak aŋai adi ettittifu ni awoyo hirre huna. Ania, efiyere ni Paulo kuyya elle iruk inyi aleten Yerusalem oŋida ofuoi iŋot eram ono etisiahita huna teya. 21Ati ijulum nyia Paulo jio ijiara inyi arasa ibabus many oŋociere Hobu elle ittokon eram honyi. Ania, eramaniere ni jio ijiara inyi arasa ibabus many efahiniere ni inyi jio Hobu elle ittokon.”
22Attati Agripa jiaran jio Festo, “Awak ni itayiruna ekiana atulo alia ta ayyaha hoŋ.”
Itarraŋ nyia Festo ojio, “Itayiru adi jihonyi motie.”
23Jio ebotie holoŋ, ofuonni nyia Agripa iko Bernis to olohuo; ette isi iko akumudali buo elettaha abore gala ania ijiŋana itua haji anna alat onno ottubarik aati. Attati Festo iramana eram, ette iyaŋuno Paulo. 24Attati Festo jiaran, “Hobu Agripa, ikatai 'daŋ hulle iwanata 'to ikohoi dini: Igonyuna, atulo lia olo, elle itisiahini aati Yudei 'daŋ hullo owoni 'to dini iko hutto Yerusalem, jihoŋ. Ohosohitai nyia isi 'daŋ jiojio ijiara luŋa ottohori inyi. 25Ati abeŋ nyia ni anyurak obo epali jihonyi enne itasiru 'to aŋotonia ye jihonyi. Ati inyi nyia ta ahuan ijulum jio Hobu elle ittokon, ette ni iŋatana inyi hetelo. 26Ati abeŋ ni amijak egiorok adi ni anyio hirre jio Hobu elle ittokon tenyi. Ihuania, eyaŋuno ni inyi jihatai, agalik tibuo jihoi hobu, Agripa. Oŋida bati nani egiorok obo ariŋ, elle etuk ittittifuna eram honyi. 27Nyio, egigilo ni obeŋ oyyu elle ifak atulo babus ihuo olo jio Hobu elle ittokon buo ebeŋ etahutak epalita hunne ihan inyi.”
હાલમાં પસંદ કરેલ:
:
Highlight
નકલ કરો
Compare
શેર કરો
Want to have your highlights saved across all your devices? Sign up or sign in
© The Bible Society in South Sudan 2003