Ehanita Lefahat 24
24
Eram enne Itisiahinierek Paulo
1Ihalu oŋitek miyet, olo nyia Ananiya Ehumani elle ittokon Cesaria; inyi iko elettaha Yudei buo obo atulo alla anya Tertulos, linyia olo 'to ikiana imaji Yudei. Ofuoi nyia isi ihosiere Mondir, Felice, ikianari eram enne itisiahinierek isi Paulo. 2Ninyia iloŋuni Paulo, ette Tertulos itterio etisiahina inyi jiojio:
“Lettok! Teyye, enyurak hohoi nelik fau onno obolo 'to bebe. Iyaŋuno iyye erre ayijok arriai ihuhumiere afau ana. 3Efuotu hohoi erre hunia 'daŋ ta namuno, imasik 'daŋ, oŋitek 'daŋ. 4Ati, abeŋ ni awak itabolo ekiana jihoi. Attana ni iyye, ta ayiji taji hoi, itayirie jihohoi obo kai. 5Enyurak hohoi jio oyeyer latulo alia. Nyio, isusuyo inyi aati Yudei hutta fau 'daŋ, buo fe ara elettok olo eluluŋ omuk aati hulla anyai Nasarin. 6Awak nyia buo fe inyi ittarroho Aaji Emojit enne ittokon, ette hohoi inefuna inyi. [Ewak nyia hohoi iŋot eram honyi ihuo ojiori efahita hohoi, 7ati ottu nyia Lisia, akumudal, ette ihororo inyi jihoi ta agolon, 8ette iramana jio ijiara etisiahak honyi ofuonni itisiahina inyi jihoi.]#24:8 ekorita 6b-8a : Obeŋi ekorita hunno okudunie 'to ihunia [] owoni jio omuk egierita. Elle ittittif iyye atulo alia, iremik adi iyye ta ahuan hoi itayiruna jihonyi erre 'daŋ hunne etisiahiniere hohoi inyi.” 9Arraŋanie nyia buo fe Yudei jio etisiaha ania, ette jiaran jio arai etisiahita hunia daŋ hode.
Efauna Paulo Ahuan Honyi to Hosiere Felice
10Ifali nyia mondir jio Paulo oŋida ikiana, ania, ette Paulo jiaran,
“Amuno ni bebe ifayere ahuan hoŋ ihosiere hoi. Nyio, amijak ni jio ira iyye ahaŋotoni hirre afau ana aŋasi arriai. 11Ihuo iremik iyye ittittifuna ta ahuan hoi jio, hobeŋi oŋitek allaŋi 'tomon harrihai to ninyia alari ni Yerusalem imojori. 12Obeŋi nyia Yudei onyurani nani etarisa iko obo atulo itua Haji emojit enne ittokon; kuyya esusuyo aati itua hasik emojiti, kuyya jio obo amaji itua abore gala ana. 13Ara duadi bu ihuania, obeŋi isi oremihini itahutana nelahode huno erre hunne itisiahinierek isi nani. 14Ati eruhok ni eram ana ihosiere hoi jio: etahabuyo ni Hollum olo hohonyiok hohoi te ekoi onno ojiori aati hulia jio ipal. Ati, eruk buo fe ni erre 'daŋ hunne igioroni ifahita Mose iko ibuhi huno ekianak Hollum. 15Eyihi ni jio Hollum, ihuo enne iyihinierek isi jio, ibuhuni adi aati ayijok iko arrohojak 'daŋ toye. 16Tania, adulo ni ihanio onno oyyu jio oŋida egigilo hoŋ olibo to hosiere Hollum iko to hosiere waati.
17 #
Ehanita 21:17-28
“Acohuno nyia ni Yerusalem ihalu aŋasi arriai. Eyaru nyia ni arrobiyaa jio aati hohoi buo fe isiaraniere ehumi jio Hollum. 18To ninyia ehaniere ni erre hunia, onyurani nyia isi nani itua Haji emojit enne ittokon buo ni attohu ehanio ehuma ono etaliborio. Obeŋ nyia obo eluluŋ kuyya ehosok teya. 19Ati, owoni nyia omuk Yudei hunyia ofuonni 'to to ŋati Asia diya. Ijiara duo luŋa isi ofuonni ihosiere hoi itisiahiniere nani ollo owoni isi iko omuk etisiahita. 20Kuyya ijiara aati hullo owoni 'to hulo dini, iramuni anyio epali nyia onno onyurani isi jihoŋ to ninyia itiwwahierek nani ihosiere Lokikoi Yudei 21#Ehanita 23:6arari fe eram ana hama ninyia ekenu ni to ninyia itiwwahierek nani ihosiere hosi jio: ‘Itiwwahiete itai nani ahana te eruk hoŋ jio ibuhuni adi ayaak toye.’ ”
22Attati Felice, ta amijana honyi eram ono Ekoi ono Lamonye, itisidonia ewwaha ania, ette iramana isi jiojio, “Attu adi ni iŋot eram ania alla afany Lisia, akumudal.” 23Attati inyi ihum iramana lajafit linyia irriria 'to Paulo jio oŋida Paulo arasa ifita. Ati ijiara obusatta inyi iddidaha kai, buo fe ijiara aŋatak mottiarak honyi iyahini inyi eluahiti hosi.
Itiwwahie Paulo Ihosiere Felice iko Drusilla
24Ihalu omuk oŋitek ottu nyia Felice iko ŋoruoi honyi Drusilla ono ŋarriok Yudei. Itiloŋ nyia Felice Paulo, itayiruniere eram ono eruk jio Yesu Kristo enne ikiana Paulo. 25Inef nyia abaŋi Felice ninyia ikianari Paulo eram ono ayiji iko ono attoŋotio huan buo ono Oloŋ onno ottu 'to moi ono Oŋocierek eram, ette Felice jiaran, “Ihuania, ike ilo do addi. Enyiak adi ni iloŋuna iyye alla anyurak ni obo asaa.” 26Iyihi nyia buo fe inyi jio isiarak adi Paulo jihonyi omuk agurusi. Ania, odulori inyi eloŋutta Paulo gagaga ikianari ikonyi. 27Ihalu aŋasi arrihai, orutak nyia Porsio Festo a mondir imaji Felice. Awak nyia Felice oŋida Yudei omunoi inyi; ania, ette inyi idehina Paulo ibabus.
હાલમાં પસંદ કરેલ:
Ehanita Lefahat 24: EA2003
Highlight
નકલ કરો
Compare
શેર કરો
Want to have your highlights saved across all your devices? Sign up or sign in
© The Bible Society in South Sudan 2003
Ehanita Lefahat 24
24
Eram enne Itisiahinierek Paulo
1Ihalu oŋitek miyet, olo nyia Ananiya Ehumani elle ittokon Cesaria; inyi iko elettaha Yudei buo obo atulo alla anya Tertulos, linyia olo 'to ikiana imaji Yudei. Ofuoi nyia isi ihosiere Mondir, Felice, ikianari eram enne itisiahinierek isi Paulo. 2Ninyia iloŋuni Paulo, ette Tertulos itterio etisiahina inyi jiojio:
“Lettok! Teyye, enyurak hohoi nelik fau onno obolo 'to bebe. Iyaŋuno iyye erre ayijok arriai ihuhumiere afau ana. 3Efuotu hohoi erre hunia 'daŋ ta namuno, imasik 'daŋ, oŋitek 'daŋ. 4Ati, abeŋ ni awak itabolo ekiana jihoi. Attana ni iyye, ta ayiji taji hoi, itayirie jihohoi obo kai. 5Enyurak hohoi jio oyeyer latulo alia. Nyio, isusuyo inyi aati Yudei hutta fau 'daŋ, buo fe ara elettok olo eluluŋ omuk aati hulla anyai Nasarin. 6Awak nyia buo fe inyi ittarroho Aaji Emojit enne ittokon, ette hohoi inefuna inyi. [Ewak nyia hohoi iŋot eram honyi ihuo ojiori efahita hohoi, 7ati ottu nyia Lisia, akumudal, ette ihororo inyi jihoi ta agolon, 8ette iramana jio ijiara etisiahak honyi ofuonni itisiahina inyi jihoi.]#24:8 ekorita 6b-8a : Obeŋi ekorita hunno okudunie 'to ihunia [] owoni jio omuk egierita. Elle ittittif iyye atulo alia, iremik adi iyye ta ahuan hoi itayiruna jihonyi erre 'daŋ hunne etisiahiniere hohoi inyi.” 9Arraŋanie nyia buo fe Yudei jio etisiaha ania, ette jiaran jio arai etisiahita hunia daŋ hode.
Efauna Paulo Ahuan Honyi to Hosiere Felice
10Ifali nyia mondir jio Paulo oŋida ikiana, ania, ette Paulo jiaran,
“Amuno ni bebe ifayere ahuan hoŋ ihosiere hoi. Nyio, amijak ni jio ira iyye ahaŋotoni hirre afau ana aŋasi arriai. 11Ihuo iremik iyye ittittifuna ta ahuan hoi jio, hobeŋi oŋitek allaŋi 'tomon harrihai to ninyia alari ni Yerusalem imojori. 12Obeŋi nyia Yudei onyurani nani etarisa iko obo atulo itua Haji emojit enne ittokon; kuyya esusuyo aati itua hasik emojiti, kuyya jio obo amaji itua abore gala ana. 13Ara duadi bu ihuania, obeŋi isi oremihini itahutana nelahode huno erre hunne itisiahinierek isi nani. 14Ati eruhok ni eram ana ihosiere hoi jio: etahabuyo ni Hollum olo hohonyiok hohoi te ekoi onno ojiori aati hulia jio ipal. Ati, eruk buo fe ni erre 'daŋ hunne igioroni ifahita Mose iko ibuhi huno ekianak Hollum. 15Eyihi ni jio Hollum, ihuo enne iyihinierek isi jio, ibuhuni adi aati ayijok iko arrohojak 'daŋ toye. 16Tania, adulo ni ihanio onno oyyu jio oŋida egigilo hoŋ olibo to hosiere Hollum iko to hosiere waati.
17 #
Ehanita 21:17-28
“Acohuno nyia ni Yerusalem ihalu aŋasi arriai. Eyaru nyia ni arrobiyaa jio aati hohoi buo fe isiaraniere ehumi jio Hollum. 18To ninyia ehaniere ni erre hunia, onyurani nyia isi nani itua Haji emojit enne ittokon buo ni attohu ehanio ehuma ono etaliborio. Obeŋ nyia obo eluluŋ kuyya ehosok teya. 19Ati, owoni nyia omuk Yudei hunyia ofuonni 'to to ŋati Asia diya. Ijiara duo luŋa isi ofuonni ihosiere hoi itisiahiniere nani ollo owoni isi iko omuk etisiahita. 20Kuyya ijiara aati hullo owoni 'to hulo dini, iramuni anyio epali nyia onno onyurani isi jihoŋ to ninyia itiwwahierek nani ihosiere Lokikoi Yudei 21#Ehanita 23:6arari fe eram ana hama ninyia ekenu ni to ninyia itiwwahierek nani ihosiere hosi jio: ‘Itiwwahiete itai nani ahana te eruk hoŋ jio ibuhuni adi ayaak toye.’ ”
22Attati Felice, ta amijana honyi eram ono Ekoi ono Lamonye, itisidonia ewwaha ania, ette iramana isi jiojio, “Attu adi ni iŋot eram ania alla afany Lisia, akumudal.” 23Attati inyi ihum iramana lajafit linyia irriria 'to Paulo jio oŋida Paulo arasa ifita. Ati ijiara obusatta inyi iddidaha kai, buo fe ijiara aŋatak mottiarak honyi iyahini inyi eluahiti hosi.
Itiwwahie Paulo Ihosiere Felice iko Drusilla
24Ihalu omuk oŋitek ottu nyia Felice iko ŋoruoi honyi Drusilla ono ŋarriok Yudei. Itiloŋ nyia Felice Paulo, itayiruniere eram ono eruk jio Yesu Kristo enne ikiana Paulo. 25Inef nyia abaŋi Felice ninyia ikianari Paulo eram ono ayiji iko ono attoŋotio huan buo ono Oloŋ onno ottu 'to moi ono Oŋocierek eram, ette Felice jiaran, “Ihuania, ike ilo do addi. Enyiak adi ni iloŋuna iyye alla anyurak ni obo asaa.” 26Iyihi nyia buo fe inyi jio isiarak adi Paulo jihonyi omuk agurusi. Ania, odulori inyi eloŋutta Paulo gagaga ikianari ikonyi. 27Ihalu aŋasi arrihai, orutak nyia Porsio Festo a mondir imaji Felice. Awak nyia Felice oŋida Yudei omunoi inyi; ania, ette inyi idehina Paulo ibabus.
હાલમાં પસંદ કરેલ:
:
Highlight
નકલ કરો
Compare
શેર કરો
Want to have your highlights saved across all your devices? Sign up or sign in
© The Bible Society in South Sudan 2003