Ehanita Lefahat 18
18
Awanan Paulo, Korinto
1Ihalu erre huna, odioto nyia Paulo to Atens, ette leten Korinto. 2Diya, onyurak nyia inyi obo a Yudeitanani, afure honyi Akuila, olo Pontus. Hetek nyia inyi ittuna iko ŋoruoi honyi Prisila to Ittali nyio, ifak nyia Klaudio, Hobu elle ittokon, eram jio ijiara Yudei 'daŋ ofuoi addi to Roma. Alari Paulo imijuniere isi, 3ette itoŋo buo fe igiama ikosi, nyio, amanya nyia inyi te ehuhuma hasik musiamahien ihuo isi. 4Buo to oloŋi Sabatto 'daŋ, itarisatio nyia Paulo ihaji emojit jio, oŋida bati Yudei iko Grik iruhi eram honyi.
5Ninyia afanyi bo Silas iko Timoteyo to Masedonia, ette Paulo ituhonia oŋitek honyi 'daŋ jio ettittoyo ono asayyo; itahutaniere jio Yudei jio, ara Yesu Olonyimoto. 6Buo ninyia itabahasi isi eram honyi, buo fe omorie inyi; ette inyi ipipuahara attuduha addi to boŋojin honyi, ta ajore, ette jiaran jihosi, “Elle ipiahatti itai addi jio Hollum, eram hatai nyia. Abeŋi ni teya! Ihuania, many ahosiere, alo ni jio Alufajak.” 7Ania, ette inyi idiaharu isi, ette leten ihaŋ obo latulo ololufa, afure honyi Titios Yusto. Ara nyia inyi ahamojoni Hollum. Owon nyia ahaŋ honyi iger haji emojit. 8Iruk nyia Krispus, jio Lamonye; inyi ta haŋ honyi 'daŋ. Ara nyia inyi elettok olo aaji emojit. Itayiruni nyia buo fe aati Korinto arriai ekiana Paulo, ette iruk, ette itifuotonia isi batisimo. 9To obo arue, oleyehino nyia Lamonye jio Paulo ihuo arigia, ette jiaran, “Hèbaŋ! Oduloi ekiana. Hèdua, 10nyio, awon ni ikoye. Obeŋ adi tulo oremik iriafuna iyye, nyio, oluaji aati hoŋ jio abore gala ana.” 11Ania, ette Paulo itoŋo diya eeŋa abotie iko ayafajin ille, buo ittiyenio ekiana Hollum jio aati.
12Ninyia ihanani Galio amondir olo Akaya, ette Yudei hullo owoni 'to diya ittuttubuna ahuattek, ette inefuna Paulo, ette iyaru inyi ilokikoi; 13ette jiaran, “Isusuyo latulo olo aati itahabuyere Hollum to obo ekoi onno obeŋi efahita aŋatani!” 14Ati ninyia ajio Paulo alo ikiana ihuania, ette Galio jiaran jio aati Yudei jio, “Alla ara duo eram ana ono obo eyyau erroho kuyya epali, obis duo jihoŋ ihumari itayiriere jihatai, Yudei. 15Ati ta arahan honyi etarisa eram ono ekenita iko ono afureta buo ono efahita hatai, oŋototo eram ania ta ahuattek hatai. Eha ni arahan ahaŋotoni hirre ihuo hunia!” 16Ania, ette inyi ifuhara isi addi totua lokikoi. 17Buo isi 'daŋ ette inefuna Sostino, elettok olo aaji emojit, ette ibahio inyi ihosiere waati lokikoi. Ati obeŋ nyia eram ania odiaha jio Galio.
Acaharu Paulo, Antiok
18 #
Ehenita 6:18
Ihalu erre huna, itoŋok nyia Paulo oŋitek arriai iko eruhok hutto Korinto, attati idiaharu isi, ette leten Siria ta ababur; inyi iko Prisila buo Akuila. Ogita nyia inyi oofir honyi ninyia howon inyi Kenkrea, nyio, te eram ono elama ninyia ihan inyi#18:18 Elama ninyia ihan inyi : Ta agituna ono oofir, itahutak inyi jio, ogottiere nyia Paulo elama honyi ihuo ojiori emanyiti Yudei.. 19Ninyia afanyi isi Efeso, ette Paulo idiaharu Prisila iko Akuila diya, buo inyi ette leten ihaji emojit, ette itarisa diya iko Yudei. 20Buo ninyia ajiori isi ijiara inyi itoŋo ikosi do, ette inyi ihara, 21ette iramana isi jio, “Acohuno adi ni jihatai, alla awak Hollum.” Ette inyi leten to Efeso ta ababur.
22Ninyia afany inyi Cesaria, ette inyi leten Yerusalem, ette ifonyaru eruhok, attati iculana Antiok. 23Ninyia itoŋok inyi omuk oŋitek diya, ette leten. Oŋutoro nyia inyi totto ŋacio Galasia iko Frigia, buo itagoloro eruhok 'daŋ.
Awanan Apolo Efeso iko Korinto
24Jio oŋitek hua, ottu nyia obo olo Yudei Efeso, afure honyi Apolo. Ara nyia inyi olo Alesandariya. Omijak nyia inyi ekiana bebe, buo fe omijak ekenita hutto buk Hollum bebe. 25Nyio, ittiyanani nyia jihonyi Nekoi ono Lamonye. Ania, ta amuno iko ta awahan ottononyi, ittittoyere inyi buo fe ittiyenio eram Yesu onno obis. Ati omijak nyia inyi batisimo ono Yoane hama. 26Itterio nyia inyi ekiana te eŋere ihaji emojit. Buo ninyia itaniŋuni Prisila iko Akuila eram honyi, ette isi iyaru inyi ihaŋ hosi, ette inyiak ihum iramana jihonyi Nekoi ono Hollum. 27Buo ninyia awak Apolo leten Akaya, ette eruhok hutto Efeso iluak inyi te egioronia hosi awaraga jio eruhok hutto Akaya, jio ijiara luŋa isi ifuotuni inyi. Ninyia afany inyi diya, oluak nyia inyi bebe eruhok. 28Nyio, ta agolon itafudita honyi, itaduahi nyia inyi Yudei jio olorisa otto hosiere waati. Buo te ehianatta honyi jihosi erre hutto buk Hollum, itahutak nyia inyi jihosi jio, ara Yesu Olonyimoto.
હાલમાં પસંદ કરેલ:
Ehanita Lefahat 18: EA2003
Highlight
નકલ કરો
Compare
શેર કરો
Want to have your highlights saved across all your devices? Sign up or sign in
© The Bible Society in South Sudan 2003
Ehanita Lefahat 18
18
Awanan Paulo, Korinto
1Ihalu erre huna, odioto nyia Paulo to Atens, ette leten Korinto. 2Diya, onyurak nyia inyi obo a Yudeitanani, afure honyi Akuila, olo Pontus. Hetek nyia inyi ittuna iko ŋoruoi honyi Prisila to Ittali nyio, ifak nyia Klaudio, Hobu elle ittokon, eram jio ijiara Yudei 'daŋ ofuoi addi to Roma. Alari Paulo imijuniere isi, 3ette itoŋo buo fe igiama ikosi, nyio, amanya nyia inyi te ehuhuma hasik musiamahien ihuo isi. 4Buo to oloŋi Sabatto 'daŋ, itarisatio nyia Paulo ihaji emojit jio, oŋida bati Yudei iko Grik iruhi eram honyi.
5Ninyia afanyi bo Silas iko Timoteyo to Masedonia, ette Paulo ituhonia oŋitek honyi 'daŋ jio ettittoyo ono asayyo; itahutaniere jio Yudei jio, ara Yesu Olonyimoto. 6Buo ninyia itabahasi isi eram honyi, buo fe omorie inyi; ette inyi ipipuahara attuduha addi to boŋojin honyi, ta ajore, ette jiaran jihosi, “Elle ipiahatti itai addi jio Hollum, eram hatai nyia. Abeŋi ni teya! Ihuania, many ahosiere, alo ni jio Alufajak.” 7Ania, ette inyi idiaharu isi, ette leten ihaŋ obo latulo ololufa, afure honyi Titios Yusto. Ara nyia inyi ahamojoni Hollum. Owon nyia ahaŋ honyi iger haji emojit. 8Iruk nyia Krispus, jio Lamonye; inyi ta haŋ honyi 'daŋ. Ara nyia inyi elettok olo aaji emojit. Itayiruni nyia buo fe aati Korinto arriai ekiana Paulo, ette iruk, ette itifuotonia isi batisimo. 9To obo arue, oleyehino nyia Lamonye jio Paulo ihuo arigia, ette jiaran, “Hèbaŋ! Oduloi ekiana. Hèdua, 10nyio, awon ni ikoye. Obeŋ adi tulo oremik iriafuna iyye, nyio, oluaji aati hoŋ jio abore gala ana.” 11Ania, ette Paulo itoŋo diya eeŋa abotie iko ayafajin ille, buo ittiyenio ekiana Hollum jio aati.
12Ninyia ihanani Galio amondir olo Akaya, ette Yudei hullo owoni 'to diya ittuttubuna ahuattek, ette inefuna Paulo, ette iyaru inyi ilokikoi; 13ette jiaran, “Isusuyo latulo olo aati itahabuyere Hollum to obo ekoi onno obeŋi efahita aŋatani!” 14Ati ninyia ajio Paulo alo ikiana ihuania, ette Galio jiaran jio aati Yudei jio, “Alla ara duo eram ana ono obo eyyau erroho kuyya epali, obis duo jihoŋ ihumari itayiriere jihatai, Yudei. 15Ati ta arahan honyi etarisa eram ono ekenita iko ono afureta buo ono efahita hatai, oŋototo eram ania ta ahuattek hatai. Eha ni arahan ahaŋotoni hirre ihuo hunia!” 16Ania, ette inyi ifuhara isi addi totua lokikoi. 17Buo isi 'daŋ ette inefuna Sostino, elettok olo aaji emojit, ette ibahio inyi ihosiere waati lokikoi. Ati obeŋ nyia eram ania odiaha jio Galio.
Acaharu Paulo, Antiok
18 #
Ehenita 6:18
Ihalu erre huna, itoŋok nyia Paulo oŋitek arriai iko eruhok hutto Korinto, attati idiaharu isi, ette leten Siria ta ababur; inyi iko Prisila buo Akuila. Ogita nyia inyi oofir honyi ninyia howon inyi Kenkrea, nyio, te eram ono elama ninyia ihan inyi#18:18 Elama ninyia ihan inyi : Ta agituna ono oofir, itahutak inyi jio, ogottiere nyia Paulo elama honyi ihuo ojiori emanyiti Yudei.. 19Ninyia afanyi isi Efeso, ette Paulo idiaharu Prisila iko Akuila diya, buo inyi ette leten ihaji emojit, ette itarisa diya iko Yudei. 20Buo ninyia ajiori isi ijiara inyi itoŋo ikosi do, ette inyi ihara, 21ette iramana isi jio, “Acohuno adi ni jihatai, alla awak Hollum.” Ette inyi leten to Efeso ta ababur.
22Ninyia afany inyi Cesaria, ette inyi leten Yerusalem, ette ifonyaru eruhok, attati iculana Antiok. 23Ninyia itoŋok inyi omuk oŋitek diya, ette leten. Oŋutoro nyia inyi totto ŋacio Galasia iko Frigia, buo itagoloro eruhok 'daŋ.
Awanan Apolo Efeso iko Korinto
24Jio oŋitek hua, ottu nyia obo olo Yudei Efeso, afure honyi Apolo. Ara nyia inyi olo Alesandariya. Omijak nyia inyi ekiana bebe, buo fe omijak ekenita hutto buk Hollum bebe. 25Nyio, ittiyanani nyia jihonyi Nekoi ono Lamonye. Ania, ta amuno iko ta awahan ottononyi, ittittoyere inyi buo fe ittiyenio eram Yesu onno obis. Ati omijak nyia inyi batisimo ono Yoane hama. 26Itterio nyia inyi ekiana te eŋere ihaji emojit. Buo ninyia itaniŋuni Prisila iko Akuila eram honyi, ette isi iyaru inyi ihaŋ hosi, ette inyiak ihum iramana jihonyi Nekoi ono Hollum. 27Buo ninyia awak Apolo leten Akaya, ette eruhok hutto Efeso iluak inyi te egioronia hosi awaraga jio eruhok hutto Akaya, jio ijiara luŋa isi ifuotuni inyi. Ninyia afany inyi diya, oluak nyia inyi bebe eruhok. 28Nyio, ta agolon itafudita honyi, itaduahi nyia inyi Yudei jio olorisa otto hosiere waati. Buo te ehianatta honyi jihosi erre hutto buk Hollum, itahutak nyia inyi jihosi jio, ara Yesu Olonyimoto.
હાલમાં પસંદ કરેલ:
:
Highlight
નકલ કરો
Compare
શેર કરો
Want to have your highlights saved across all your devices? Sign up or sign in
© The Bible Society in South Sudan 2003