Ehanita Lefahat 17
17
Awanan bo Paulo iko Mottiarak Honyi Tesalonika
1Ofuoi nyia bo Paulo iko Silas totto Amfipolis iko Apolonia, ette ifanyan Tesalonika. Diya, owon nyia aaji emojit ono Yudei. 2Olo nyia Paulo ihaji emojit ihuo ihanatiere inyi toloŋi. Sabattohien hunihoi, itarisatio nyia iko aati buo ihianatta jihosi erre hutto buk Hollum. 3Iramatta nyia inyi jihosi buo fe itahutatta jio obis nyia jio, oŋida luŋa Olonyimoto orumak ettigemio, buo fe ette itubuhuna toye. Ette buo fe Paulo jiaran jihosi jio, “Yesu, elle eramak ni jihatai alia, inyi Olonyimoto.” 4Iruhi nyia lomuk hulosi eram Paulo, ette inosonio jihonyi iko Silas. Ihuo nyia buo fe, inosonie nyia ehittaha ŋoruo jihosi. Ette buo fe arriai waati Grik hulla abaŋi 'to Hollum inosonio jihosi.
5Ati ahaini nyia lomuk hulo Yudei. Ania, ette isi ittuttubuna amujirimok hutto tua bore gala, ette ittubana eluluŋ waati enne ittok. Ette isi iwuwoŋita onno orroho itua bore gala ania 'daŋ. Ette irumonia ahaŋ obo latulo alla anya Jason irumaniere Paulo iko Silas, iyaŋuniere isi ihosiere waati. 6Buo ninyia abeŋi isi orumani isi, ette isi ipihoro Jason iko omuk eruhok ihosiere lettaha bore gala ania, ette iwuwoŋita jiojio, “Ittigemie aati hulo, amasik 'daŋ! Ihuania, afuonni buo fe dini, 7buo Jason ette ifuotuna isi ihaŋ honyi. Omesie isi 'daŋ efahita huno Hobu elle ittokon, buo fe ojiori jio, owon obo oobu, alla anya Yesu.” 8Ninyia itaniŋuni eluluŋ waati iko gala hulo abore gala ana erre huna, ette isi iwuwoŋita onno orroho bebe. 9Attati gala imojuna agurusi etalahita jio Jason iko jio aati hullomuk, ette ihohina isi.
Awanan Paulo iko Silas Berea
10Teya teya, ninyia ara aharue, ette eruhok ifahina Paulo iko Silas ibore gala Berea. Buo ninyia afanyi isi diya, ette isi ifuatan ihaji emojit. 11Oyiji nyia Yudei hulo amaji ana, agalihini hulo Tesalonika. Itayirie nyia isi bebe bebe jio ekenita hunne ikiana Paulo, buo fe ihenutai Abuk Hollum oŋitek 'daŋ imijaniere kuyya arai luŋa hode erre hunne ikiana Paulo. 12Iruhi nyia hulosi arriai; buo fe arriai ŋoruo Grik hunna asami 'to iko arriai liawa Grik ette iruk. 13Ati ninyia itaniŋuni Yudei hulo Tesalonika jio ittittoyo buo fe Paulo ekiana Hollum Berea, ette isi ifuatan diya, ette iŋol ossi waati, ette isusu eluluŋi waati oŋida iloŋojitai. 14Teya teya, attati eruhok iramana Paulo hetelo addi many ihutuk hari enne ittokon, buo bo Silas iko Timoteyo ette irasa diya. 15Attati lenyiamak Paulo iyaru inyi many Atens, ette icaharu Berea. Ati ihum nyia Paulo iramana isi hefuahi iramana Silas iko Timoteyo, oŋida luŋa ofuoi jihonyi kuak.
Awanan Paulo Atens
16Ninyia hetila Paulo Silas iko Timoteyo Atens, osuaharu nyia ataji honyi ninyia igonyu inyi arrijiorita arriai itua abore gala ania. 17Ania, itarisari inyi, itua haji emojit, iko Yudei buo Alufajak hulle itahabuye 'to Hollum. Itarisatio nyia buo fe inyi oŋitek 'daŋ itua suk iko aati hullo ofuonni 'to diya. 18Itarisa nyia buo fe inyi iko omuk alofiorojok, hulle iloŋoi Epikurians buo fe lomuk hulle iloŋoi Stoiks. Ette lomuk hulosi ifiyo jiojio, “Anyio buo enne ikiana olotimo etadarani olo?”
Itarraŋi hullomuk jiojio, “Ara inyi ihuo elle ikiana eram ono omuk ajiohin hunno olufaji.” Ikianai nyia isi ihuo nyia, nyio, ittittoyo nyia Paulo eram ono Yesu iko ono ebuhuna#17:18 Yesu iko ono ebuhuna : Te ekiana Grik “nebuhuna” oremik tulo igigilo jio ara inyi afure ono ajiok anna ara 'to abotor. 19Ania, ette isi inefuna Paulo, ette iyaru imaji iwwahi enne ifurani Arepogas, ette jiaran jio, “Ewak hohoi imijana ettiyenio aŋejuk, enne ittiyenio iyye ania. 20Nyio, etayiru hohoi jihoi omuk erre hunno olufaji; tania, ewak hohoi imijana awoyo hiram hosi.” (21Omunoi nyia aati Atens iko aterejok 'daŋ hulla amanyai 'to diya etoŋo asai asahien 'daŋ, arari fe eyaba iko etayira hirre aŋejuho.)
22Tania, odioto nyia Paulo ahide to maji iwwahi Arepogas, ette jiaran, “Aati Atens, te ekotia 'daŋ, egonyu ni ibaŋata itai ajiohin bebe. 23Neduo ewatitari ni itua bore gala hatai iko imasik imojiti hatai, anyurak duo ni obo etitiek ehumi enne igioroni ihide honyi jiojio, ‘Jio obo Hollum ollo Otimoi.’ Lia, elle imojoti itai jihonyi buo itimoti, inyi elle eramio ni jihatai. 24#Isaya 42:5; Ehanita 7:48Inyi Hollum layyani olo afau iko erre hutta fau 'daŋ. Inyi Lamonye olo edou iko afau. Obeŋ inyi amanya ihasik hunno oduhi ta ahas tulo. 25Obeŋ buo fe inyi awak egemita has tulo, ihuo anna aŋaramahi obo ariŋ inyi. Nyio, inyi ta ahuan honyi, isiarak jio atulo 'daŋ nesu iko oloyiri buo erre hunnomuk 'daŋ. 26Jio atulo abotie, oyyeu nyia inyi awoyo tulo 'daŋ ta fau, ette itamanyahina isi imasik fau 'daŋ. Many hobeŋi isiuni isi, ocorok nyia inyi oloŋi iko esidita masik hunno ofuarik isi imanyari. 27Ihan nyia inyi ihuo nyia jio, oŋida isi ottifiai inyi buo iyihini jio, elle eddadda isi iger hosi, ara henyurak adi isi inyi. Ati obeŋ Hollum luŋa alama jihohoi 'daŋ ababo, 28nyio,
‘Inyi iyaŋuno jihohoi, nesu, adaha, iko arahan a waati.’
Ara inyi ihuo ojiori omuk egiorok hatai jio, ‘Era buo fe aduri honyi.’
29Ta arahan hohoi aduri Hollum, hèlaha egigilo jio ara Hollum ihuo arrijiori ono ayyel, kuyya abilata aboŋ, kuyya amoruo, enne ihuhumu atulo ta amijana iko te elofioro honyi. 30Ibasak Hollum oŋitek hunyia otimorik aati inyi. Ati ihuania, ihum inyi iramana jio aati 'daŋ hutta masik 'daŋ, oŋida idehini eyyata hosi. 31Nyio, acorok nyia inyi oloŋ anna alari inyi iŋociere eram waati 'daŋ hutta fau, ta abisan. Atulo alla anyimu inyi, inyi olo irahan ahaŋotoni hiram. Itahutak inyi eram ania jio aati 'daŋ, te etubuhuna honyi latulo lia toye!”
32Ninyia itaniŋuni isi Paulo ikiana eram ono ebuhuna toye, ette omuk hulosi isuhotiere inyi. Buo hullomuk ojiori jio, “Ewak hohoi itayiruna iyye inyiak ikiana erre hunia, obo oloŋ.” 33Ania, ette Paulo leten addi tehiji hosi. 34Ati ojiŋani nyia omuk aati jio eram honyi, ette iruk. Ihiji hosi, owon nyia obo latulo afure honyi Dionisios, olo lokikoi Arepogas, buo obo aŋotte anna anya Damaris, iko omuk aati.
હાલમાં પસંદ કરેલ:
Ehanita Lefahat 17: EA2003
Highlight
નકલ કરો
Compare
શેર કરો
Want to have your highlights saved across all your devices? Sign up or sign in
© The Bible Society in South Sudan 2003
Ehanita Lefahat 17
17
Awanan bo Paulo iko Mottiarak Honyi Tesalonika
1Ofuoi nyia bo Paulo iko Silas totto Amfipolis iko Apolonia, ette ifanyan Tesalonika. Diya, owon nyia aaji emojit ono Yudei. 2Olo nyia Paulo ihaji emojit ihuo ihanatiere inyi toloŋi. Sabattohien hunihoi, itarisatio nyia iko aati buo ihianatta jihosi erre hutto buk Hollum. 3Iramatta nyia inyi jihosi buo fe itahutatta jio obis nyia jio, oŋida luŋa Olonyimoto orumak ettigemio, buo fe ette itubuhuna toye. Ette buo fe Paulo jiaran jihosi jio, “Yesu, elle eramak ni jihatai alia, inyi Olonyimoto.” 4Iruhi nyia lomuk hulosi eram Paulo, ette inosonio jihonyi iko Silas. Ihuo nyia buo fe, inosonie nyia ehittaha ŋoruo jihosi. Ette buo fe arriai waati Grik hulla abaŋi 'to Hollum inosonio jihosi.
5Ati ahaini nyia lomuk hulo Yudei. Ania, ette isi ittuttubuna amujirimok hutto tua bore gala, ette ittubana eluluŋ waati enne ittok. Ette isi iwuwoŋita onno orroho itua bore gala ania 'daŋ. Ette irumonia ahaŋ obo latulo alla anya Jason irumaniere Paulo iko Silas, iyaŋuniere isi ihosiere waati. 6Buo ninyia abeŋi isi orumani isi, ette isi ipihoro Jason iko omuk eruhok ihosiere lettaha bore gala ania, ette iwuwoŋita jiojio, “Ittigemie aati hulo, amasik 'daŋ! Ihuania, afuonni buo fe dini, 7buo Jason ette ifuotuna isi ihaŋ honyi. Omesie isi 'daŋ efahita huno Hobu elle ittokon, buo fe ojiori jio, owon obo oobu, alla anya Yesu.” 8Ninyia itaniŋuni eluluŋ waati iko gala hulo abore gala ana erre huna, ette isi iwuwoŋita onno orroho bebe. 9Attati gala imojuna agurusi etalahita jio Jason iko jio aati hullomuk, ette ihohina isi.
Awanan Paulo iko Silas Berea
10Teya teya, ninyia ara aharue, ette eruhok ifahina Paulo iko Silas ibore gala Berea. Buo ninyia afanyi isi diya, ette isi ifuatan ihaji emojit. 11Oyiji nyia Yudei hulo amaji ana, agalihini hulo Tesalonika. Itayirie nyia isi bebe bebe jio ekenita hunne ikiana Paulo, buo fe ihenutai Abuk Hollum oŋitek 'daŋ imijaniere kuyya arai luŋa hode erre hunne ikiana Paulo. 12Iruhi nyia hulosi arriai; buo fe arriai ŋoruo Grik hunna asami 'to iko arriai liawa Grik ette iruk. 13Ati ninyia itaniŋuni Yudei hulo Tesalonika jio ittittoyo buo fe Paulo ekiana Hollum Berea, ette isi ifuatan diya, ette iŋol ossi waati, ette isusu eluluŋi waati oŋida iloŋojitai. 14Teya teya, attati eruhok iramana Paulo hetelo addi many ihutuk hari enne ittokon, buo bo Silas iko Timoteyo ette irasa diya. 15Attati lenyiamak Paulo iyaru inyi many Atens, ette icaharu Berea. Ati ihum nyia Paulo iramana isi hefuahi iramana Silas iko Timoteyo, oŋida luŋa ofuoi jihonyi kuak.
Awanan Paulo Atens
16Ninyia hetila Paulo Silas iko Timoteyo Atens, osuaharu nyia ataji honyi ninyia igonyu inyi arrijiorita arriai itua abore gala ania. 17Ania, itarisari inyi, itua haji emojit, iko Yudei buo Alufajak hulle itahabuye 'to Hollum. Itarisatio nyia buo fe inyi oŋitek 'daŋ itua suk iko aati hullo ofuonni 'to diya. 18Itarisa nyia buo fe inyi iko omuk alofiorojok, hulle iloŋoi Epikurians buo fe lomuk hulle iloŋoi Stoiks. Ette lomuk hulosi ifiyo jiojio, “Anyio buo enne ikiana olotimo etadarani olo?”
Itarraŋi hullomuk jiojio, “Ara inyi ihuo elle ikiana eram ono omuk ajiohin hunno olufaji.” Ikianai nyia isi ihuo nyia, nyio, ittittoyo nyia Paulo eram ono Yesu iko ono ebuhuna#17:18 Yesu iko ono ebuhuna : Te ekiana Grik “nebuhuna” oremik tulo igigilo jio ara inyi afure ono ajiok anna ara 'to abotor. 19Ania, ette isi inefuna Paulo, ette iyaru imaji iwwahi enne ifurani Arepogas, ette jiaran jio, “Ewak hohoi imijana ettiyenio aŋejuk, enne ittiyenio iyye ania. 20Nyio, etayiru hohoi jihoi omuk erre hunno olufaji; tania, ewak hohoi imijana awoyo hiram hosi.” (21Omunoi nyia aati Atens iko aterejok 'daŋ hulla amanyai 'to diya etoŋo asai asahien 'daŋ, arari fe eyaba iko etayira hirre aŋejuho.)
22Tania, odioto nyia Paulo ahide to maji iwwahi Arepogas, ette jiaran, “Aati Atens, te ekotia 'daŋ, egonyu ni ibaŋata itai ajiohin bebe. 23Neduo ewatitari ni itua bore gala hatai iko imasik imojiti hatai, anyurak duo ni obo etitiek ehumi enne igioroni ihide honyi jiojio, ‘Jio obo Hollum ollo Otimoi.’ Lia, elle imojoti itai jihonyi buo itimoti, inyi elle eramio ni jihatai. 24#Isaya 42:5; Ehanita 7:48Inyi Hollum layyani olo afau iko erre hutta fau 'daŋ. Inyi Lamonye olo edou iko afau. Obeŋ inyi amanya ihasik hunno oduhi ta ahas tulo. 25Obeŋ buo fe inyi awak egemita has tulo, ihuo anna aŋaramahi obo ariŋ inyi. Nyio, inyi ta ahuan honyi, isiarak jio atulo 'daŋ nesu iko oloyiri buo erre hunnomuk 'daŋ. 26Jio atulo abotie, oyyeu nyia inyi awoyo tulo 'daŋ ta fau, ette itamanyahina isi imasik fau 'daŋ. Many hobeŋi isiuni isi, ocorok nyia inyi oloŋi iko esidita masik hunno ofuarik isi imanyari. 27Ihan nyia inyi ihuo nyia jio, oŋida isi ottifiai inyi buo iyihini jio, elle eddadda isi iger hosi, ara henyurak adi isi inyi. Ati obeŋ Hollum luŋa alama jihohoi 'daŋ ababo, 28nyio,
‘Inyi iyaŋuno jihohoi, nesu, adaha, iko arahan a waati.’
Ara inyi ihuo ojiori omuk egiorok hatai jio, ‘Era buo fe aduri honyi.’
29Ta arahan hohoi aduri Hollum, hèlaha egigilo jio ara Hollum ihuo arrijiori ono ayyel, kuyya abilata aboŋ, kuyya amoruo, enne ihuhumu atulo ta amijana iko te elofioro honyi. 30Ibasak Hollum oŋitek hunyia otimorik aati inyi. Ati ihuania, ihum inyi iramana jio aati 'daŋ hutta masik 'daŋ, oŋida idehini eyyata hosi. 31Nyio, acorok nyia inyi oloŋ anna alari inyi iŋociere eram waati 'daŋ hutta fau, ta abisan. Atulo alla anyimu inyi, inyi olo irahan ahaŋotoni hiram. Itahutak inyi eram ania jio aati 'daŋ, te etubuhuna honyi latulo lia toye!”
32Ninyia itaniŋuni isi Paulo ikiana eram ono ebuhuna toye, ette omuk hulosi isuhotiere inyi. Buo hullomuk ojiori jio, “Ewak hohoi itayiruna iyye inyiak ikiana erre hunia, obo oloŋ.” 33Ania, ette Paulo leten addi tehiji hosi. 34Ati ojiŋani nyia omuk aati jio eram honyi, ette iruk. Ihiji hosi, owon nyia obo latulo afure honyi Dionisios, olo lokikoi Arepogas, buo obo aŋotte anna anya Damaris, iko omuk aati.
હાલમાં પસંદ કરેલ:
:
Highlight
નકલ કરો
Compare
શેર કરો
Want to have your highlights saved across all your devices? Sign up or sign in
© The Bible Society in South Sudan 2003