۲قورئنتلی‌لره 4
4
پولوسون حوارئلئک خئدمتی
1بونون اوچون ائندی کی، آلدیغیمیز مرحمته گؤره، بو خئدمتئمئز وار، یورولموروق. 2آمّا عاییب اولان گئزلی شیلری ردّ اتمئشئک. حئیله‌گرلئکله رفتار اتمئرئک. تارینین کلامینی تحرئف اتمئرئک. آنجاق حقئقتی گؤرسه‌دئب، تارینین حوضوروندا اؤزوموزو هر کسئن وئجدانینا تؤوصئیه ادئرئک. 3و اگر خوش خبرئمئز اؤرتولودور، هلاک اولانلارا اؤرتولودور. 4یعنی او ائمانسیزلارا کی، بو عصرئن آللاهی اونلارین ذهئنلرئنی کور ادئب. اِله کی، تارینین صورتی اولان مسئحئن شؤوکتئنئن خوش خبرئنئن نورو اونلاری آیدینلاتماسین. 5چونکی بئز اؤزوموزو یوخ، مسئح عئسانی رب وعظ ادئرئک، اؤزوموزو ده عئسانین خاطئرئنه سئزئن قوللارینیز! 6چونکی «قارانلیقدان ائشیق پارلاسین»#4:6 یارادیلیش ۱:۳ دئین تاری، اله اودور کی، اورَکلرئمئزده ائشیقلانیب. اِله کی، مسئحئن جامالیندا تارینین شؤوکتئنئن معرئفتئنئن نورونو عطا اتسئن.
7آمّا بو ثروتی ساخسی قابلاردا ساخلاییریق کی، بو لاپ اوستون قودرت بئزه یوخ، تارییا عایید اولسون. 8هر طرفدن موصئبت آلتینداییق، آمّا ازئلمه‌مئشئک. حیرانیق، آمّا چاره‌سئز دیئلئک. 9عذاب چکئرئک، آمّا ترک اولونموش دیئلئک. ییخیلیریق، آمّا هلاک اولمامیشیق. 10همئشه هر یرده عئسانین اؤلومونو بدنئمئزده گزدئرئرئک کی، عئسانین حیاتی دا بدنئمئزده ظاهئر اولسون. 11چونکی بئز دئرئلری، عئسانین خاطئرئنه دائم اؤلومه تسلئم ادئرلر کی، عئسانین حیاتی دا فانی اولان بدنئمئزده ظاهئر اولسون. 12بله‌جه اؤلوم بئزده ائشله‌یئر، آمّا حیات سئزده! 13یازیلیب کی، «ائناندیم، اونا گؤره ده دانیشدیم.»#4:13 مزمور ۱۱۶:۱۰ بئز ده اِله همن او ائمانین روحو ائله ائنانیب، اونا گؤره ده دانیشیریق. 14و بئلئرئک ده کی، رب عئسانی دئرئلدن، بئزی ده عئسا ائله دئرئلده‌جک و سئز‌ئنله بئر یرده اؤز حوضورونا چیخارداجاق. 15چونکی بوتون بونلار سئزئن اوچوندور کی، چوخ ائنسانلارین اوستونه چوخالان فیض، تارینین شؤوکتی اوچون شوکورلره سبب اولسون.
16بونا گؤره بئز یورولموروق؛ ظاهئری وارلیغیمیز پوزولسا دا، داخئلی وارلیق گوندن-گونه تزه‌لنئر. 17چونکی کچئب-گدن یونگول موصئبتلرئمئز بئزئم اوچون اله بؤیوک و ابدی بئر شؤوکت حاصئل ادئر کی، هچ بئر شیله موقایئسه اولونا بئلمز. 18چونکی بئز گؤرونن شیلره یوخ، گؤرونمه‌ین شیلره باخیریق. اونا گؤره کی، گؤرونن شیلر کچئب-گدن، آمّا گؤرونمه‌ین شیلر ابدی‌دئر.
હાલમાં પસંદ કરેલ:
۲قورئنتلی‌لره 4: موقدس کتاب
Highlight
શેર કરો
નકલ કરો
Want to have your highlights saved across all your devices? Sign up or sign in
© Elam Ministries 2013. All rights reserved.