Popular Bible Verses from Joel 2

શેર કરો

Da One In Charge tell, “No matta I stay come awready, Go all out fo come back to me! No eat so you can pray. Cry, an stay sad inside.”

An afta dat, I goin make my Spirit take charge all da peopo. Yoa boys an girls goin talk fo me. Yoa ol guys goin dream plenny dream. Yoa young guys goin see spesho tings jalike dreams.

Change how you feel inside, An no jus rip yoa clotheses Fo show you stay sad inside! Go come back to yoa God, Da One In Charge, Cuz he like do good kine tings fo you guys. He get love an pity fo you guys. He no come huhu real quick. He like stay tight wit you guys. He stay sad inside wen he gotta punish somebody.

An den, erybody dat call to Da One In Charge fo help um Cuz dey know wat kine god him, He goin get dem outa trouble. Cuz Da One In Charge wen tell dis awready: “On top Mount Zion an inside Jerusalem, Goin get some peopo dat no mahke still yet,” Da ones dat still stay alive, dey da ones Da One In Charge call fo come.

Da sun goin come dark, An da moon goin come red jalike blood. Dat goin happen befo da big an skery time Wen Da One In Charge come fo take ova.