Popular Bible Verses from Joel 1

શેર કરો

Tell da peopo fo no eat, So dey can pray spesho kine to Da One In Charge. Call dem fo come togedda Spesho kine fo Da One In Charge. Call da older leadas An erybody dat live inside da land. Call dem fo come togedda to da Temple Fo Yoa God Da One In Charge, Fo dem yell to Da One In Charge fo help.

You pries guys, put on burmbag clotheses Fo show you stay sad inside. Cry loud, you guys dat work in front da altar. Wear burmbag clotheses all nite, You guys dat work in front my God. Cuz no mo da wheat an barley sacrifices an da drink sacrifices, No mo notting fo bring inside da Temple Fo Yoa God.

Da grape plant stay all dry. Da fig tree stay all any kine. Da pomagram tree, da date palm tree, da apple tree, All da trees in da field stay all dry. Fo shua da peopo no stay good inside Cuz dey all hamajang inside.