Popular Bible Verses from Vilinga vya Miluwa 2

શેર કરો

Co Petulu wendekele kuli vakevo ngwendi, “Munu na munu napande kutenguluka ku vivi vyendi nakumumbwitika mu lizina lya Yesu Kilistu, ngecivene, amisambese ku vivi vyeni, co mukatambula vwana vwa Njambi, Munzinzime Wakujela.

Co vakakateyeye kulilongesa kuli miluwa na mu kulitombola na mukulipangela makende na mukulombela.

Co voshe vashulile na Munzinzime Wakujela, co vashangumukile kwendeka mu vindaka vyeka ngwe omo Munzinzime wavasesele ngeci vendeke.

Vwasi-vwasi kwilu kwatundile cililimo ngwe kuhuwa kwa lihunzi lyakama, co cashulisile njuvo yoshe muje muvatumbamene. Asinoni vamwene vije vyafwile ngwe vindaka vya milangi ya tuhya vyalyangunukile, co vyakele ali umo na umo. Co voshe vashulile na Munzinzime Wakujela, co vashangumukile kwendeka mu vindaka vyeka ngwe omo Munzinzime wavasesele ngeci vendeke.

Co a litangwa na litangwa valikungulwile mu Njuvo ya Shukulu Kalunga, co valile vyakulya amolika mu vinjuvo vyavo, vakele nakulya na vimbunge vyakujolela na kulikeesa, nakushangazala Njambi, nakuvashangazala ku vanu voshe. Co Mwene wawezeleleleko a litangwa na litangwa ku mbunga yavo vanu vaje vakele nakwovoka.

‘Njambi alinakwendeka ngwendi, Evi vikevyo njikalinga ku matangwa akukotoka, njiketila Munzinzime wange ali munu na munu. Vana veni va vanalume na ava va vanakazi vakambulula vuka-kwimanena, co vakwenje veni vakamona vimona, co tukulukazi veni vakalota vinjozi.

Co vaka-kukulaela voshe vakele amo mu kulitombola, co valipangelele vufuko vwavo akati kavo. Co valandesele vyuma vyavo na vufuko vwavo, co valipangelele vimbongo akati kavo, ku munu na munu ngwe kukujeneka kwendi.

Co woshe akatambakana lizina lya Shukulu Kalunga akovoka.’

litangwa likazivala, co ngonde ikavenga ngengu ngwe maninga, omo Litangwa lya Shukulu Kalunga lije lyakama lya vumpau kanda lyete.