Popular Bible Verses from Vilinga vya Miluwa 1

શેર કરો

Oloni omo Munzinzime Wakujela akaija ali yeni, mukashula na nzili, co mukapwa vakaleo vange mu Yelusalema na mu Yundeya na mu Samaliya mwoshe, na ku mamaneselelo a asi.”

Yesu wendekele kuli vakevo ngwendi, “Kesi kuli yeni kuzivuka visimbu na myaka vije vyanavwaesa ku moko ya Tate vavenya.

Co omo vakungulukilile amo, wavashikile ngwendi, “Kesi mutunde mu Yelusalema, oloni vandameneni vwana vuje njamilekele, vwana vuje vwaakulaesele Tate. Yowano wambwitikile na mema, oloni a matangwa amandondo lika vakamimbwitika na Munzinzime Wakujela.”

A matangwa makumi awana kutunda a kutsa kwendi walisholwele kuli vakevo visimbu vyavingi mu vingila vije vyasholwele vukaleo kujeneka vimata ngeci ikeye wakele nakuyoya. Vamumwene, co wendekele navo vya Vumwene vwa Njambi.

Omo vamanesele kwendeka vyuma evi, vamutwalele mwilu oku vamukengelela, co lishelwa lyamufwikile kuvamumwene.

Co omo vakengele mwilu shwii omo Yesu wakele nakuya, vamo vanalume vavali vazalele vuzalo vwakutoka vemanene kuyehi navo co vendekele ngwavo, “Eni vanalume va ku Ngalileya, omwo vikajo munemanena kuno nakukenga mwilu? Yesu ou vene, ivanatwala mwilu kutunda kuli yeni, akeluka lalo mu cifwa cije vene munamumono ayanaco mwilu.”