Njé gə́ Rɔmə 5 માંથી લોકપ્રિય બાઇબલ વચનો

શેર કરો

Nɛ Ala nja kila meenoji ləa kɔd gə́ rɔ sí’g mbata loo gə́ jeḛ nai gə́ njékaiyaje ɓəi lé Kristi wəi gə mbata lə sí.

Meekundayel lé a kɔd sí rɔm el mbata mbɔl dɔ Ndilmeenda gə́ Ala ar sí lé meenoji lə Ala rusu meḛ sí njḭ-njḭ.

Tɔɓəi j’isi gə meendakaḭ dan némeeko̰’g mbata jeḛ n’gər gao némeeko̰ lé tel meekila ləm, meekila lé tel meekai ləma, meekai lé gə́ kuma̰ meekundayel ləm tɔ.

Jeḛ lé mbɔl dɔ meekun lə sí ɓa Ala ɔr ne ta dɔ sí’g yee ɓa Mbaidɔmbaije lə sí Jeju Kristi lé ar sí j’ɔm na̰’d yəg gə Ala tɔ. Jeju lé ɓa gə́ njekar sí noji neelé gə́ jeḛ nai danee’g njaŋg gə goo meekun lə sí. J’isi keneŋ gə meendakaḭ j’unda meḛ sí yel gə mba koo ne rɔnduba lə Ala lé ya.

Tɔgərɔ ya, loo gə́ siŋga sí yɔ ɓəi lé Kristi ɓa wəi gə mbata njékɔs Ala rəwje mee ndəa gə́ Ala ɓa wɔji.

Ŋga to gə́ ɓasinè lé məsee ɔr ne ta dɔ sí’g mba̰ ndá yeḛ a kɔr sí dan oŋg’g kar sí j’aji ne ɓəi tɔ.

Mbata to gə́ ndɔjita lə dəw kára ba ɓa ar dəwje bula tel to ne njékaiyaje ɓəi lé togə́bè ɓa ŋgonkoji lə dəw kára ba ya a kar dəwje bula tel to ne njémeekarabasurje ɓəi tɔ.

To yee gə́ nee ɓa el, nɛ mbɔl dɔ Mbaidɔmbaije Jeju Kristi gə́ njekɔm sí na̰’d yəg lé ɓa jeḛ ndá ne meḛ sí kaḭ dɔ Ala’g tɔ.