Njé gə́ Rɔmə 4 માંથી લોકપ્રિય બાઇબલ વચનો

શેર કરો

Mée bə̰gəree aree maḭ gə rəa dɔ ndukun’g lə Ala el. Nɛ meekun ləa ɔs dɔ maree’g gə́ kédé-kédé aree ula ne rɔnduba dɔ Ala’g ləm, yeḛ ɔm mée jəb-jəb dɔ Ala’g oo gao to gə́ né gə́ Ala un ndia gə mba karee lé yeḛ askəm ra née ya ləm tɔ.

Ma m’undai gə́ bɔ ginka dəwje bula-bula. Yeḛ to ne bɔ síjeḛ no̰ yeḛ gə́ yeḛ ɔm mée dəa’g, Ala lé gə́ njekula kəmə meḛ deḛ gə́ d’wəi ləm, néje gə́ to gə́ né el ɓəi kara yeḛ ar dee tel to gə́ né ləm tɔ.

Jeju lé deḛ d’wá tɔlee gə mbata kaltaje lə sí nɛ yeḛ unda loo teḛ dan njé gə́ d’wəi’g gə mba kar sí n’toje njémeekarabasurje ya.

Abrakam lé nékunda mee yel dɔ’g lé godo nɛ yeḛ unda mée yel ləm, ɔm mée dɔ’g ləm tɔ. Yee ɓa yeḛ tel to ne bɔ ginkoji dəwje bula-bula to gə́ deḛ d’ulá kédé pana: Ŋgakeaje d’a bula togə́bè ya.

Togə́bè ɓa meekun ɓa dəwje d’a to ne njékiŋga nédɔjije ɓəi mba karee to gə́ nénoji lə Ala ya. Yee ɓa gə mba kar ndukun lé to ne njaŋg mbata lə ŋgaka Abrakamje lai ɓó a kwɔji dɔ deḛ gə́ to gə́ ŋgakeaje gin godndu’g goo kára ba el nɛ a kwɔji dɔ deḛ gə́ d’ɔm meḛ dee dɔ Ala’g to gə́ Abrakam yeḛ gə́ to bɔ síjeḛ lai bèe tɔ, to gə́ deḛ ndaŋg mee maktub gə́ to gə kəmee pana

Deḛ gə́ d’ɔr ta kalta dɔ dee’g ləm, D’ɔm kam dɔ kaiyaje’g lə dee ləm tɔ Ndá rɔlel nai sə dee ya. Dəw gə́ Mbaidɔmbaije tura goo kaiya ləa ɔm dəa’g el lé Ndá yeḛ si dan rɔlel’g ya.

See maktub gə́ to gə kəmee doi lé see pa banwa. Taree pa pana: Abrakam ɔm mée dɔ Ala’g jəb-jəb, yee ɓa Ala tura gə́ darɔ meekarabasur ləa.