1 Pet̯ero 5 માંથી લોકપ્રિય બાઇબલ વચનો

શેર કરો

Na mirumiru zenu zonse zimuyatsieni jeje, koro ndiye eyenamumuud̯amia.

Muungu kamufwiya t̯ei kuchiiya na kwa Kirist̯o na kamuhana munjie maremboni mwakwe mudzemokaa maishi. Mukisa kukunta d̯ina kwa kat̯emo kachuchu, kadzamuhwaa na kumumbaka kipfya, kadzamut̯aragisa na kumukomeza faroni, na kumungiza nguvu kawii.

Pfyenuyani matso na muchimize! Koro huyu nyabva jwenu, Shaat̯ani, kakuzingani dza nsimba eyekuvumiizani, akilacha muntu jwa kumuḍya. D̯ubva zigijeni faro zenu muno, na mut̯aragiane nae; mukimanya ya kwamba hat̯a hawa wahikiza wenzenu wa lumwengu yuzima, nao wakukuntanani nezihizi d̯ina mwizokukuntani nywinywi.

D̯ubva wani wampowe mukidziweka nsii ya mamulaka ya Muungu, ili kwamba ngeraye ikifika, nae anamukuzya.

Nanywi wayume waḍoḍo ni had̯i muwat̯ii hawa wazee wenu. Na nyonse ni had̯i muwe wampowe, mukihumikiana nywinywi na nywinywi. Koro matsoro yamba, “Muungu anawafwia t̯ei hawaḍe weo wampowe, ela wavikodzo anat̯aragiana nao.”